Նիկոլայ Բասկովն ամուսնանում է Վիկտորիա Լոպիրյովայի հետ. հարսանիքը Գրոզնիում է լինելու

Նիկոլայ Բասկովն ամուսնանում է Վիկտորիա Լոպիրյովայի հետ: Հարսանիքը Գրոզնիում է տեղի ունենալու: Այս մասին Instagram-ում հայտնել է Չեչնիայի ղեկավար Ռամզան Կադիրովը՝ փոքրիկ տեսանյութ հրապարակելով:

«Ռուսաստանի ոսկե ձայնը» տպավորիչ ադամանդով մատանի է նվիրել շիկահերին, իսկ նա «այո» է ասել:
Տեսագրությունն արվել է Գրոզնիում, «Ահմատ» ֆուտբոլային ակումբի առաջին խաղին նվիրված հանդիսավոր ընդունելության ժամանակ: Միջոցառմանը մասնակցել են ռուսաստանցի բազմաթիվ աստղեր՝ Թիմաթին, Վալերիան եւ Իոսիֆ Պրիգոժինը, Յանա Ռուդկովսկայան եւ Եվգենի Պլյուշչենկոն, Իգոր Վերնիկը եւ այլք:
Բասկովը դիմել է Կադիրովին՝ խնդրելով իրենց հարսանիքի վկան դառնալ:
Ռամզան Կադիրովը համաձայնել է եւ անմիջապես օգտվել առիթիվ՝ Բասկովին եւ Լոպիրյովային առաջարկելով հարսանիքը Գրոզնիում անել:

«Շատ շուտով: Գրոզնիում: Հարյուրամյակի հարսանիքը: Հետաքրքրվեցի՞ք: Եվ այսպես, հոկտեմբերի 5-ին՝ Չեչնիայի մայրաքաղաք Գրոզնիի օրը, այստեղ մեծ իրադարձություն է տեղի ունենալու: Ռուսաստանի Դաշնության Ժողովրդական արտիստ, մեր երկրի «ոսկե ձայն» Նիկոլայ Բասկովը եւ հմայիչ հաղորդավարուհի, «Միսս Ռուսաստան 2003»-ը, 2018 թվականի ֆուտբոլի աշխարհի առաջնության դեսպան Վիկտորիա Լոպիրյովան հարսանիք են անելու»,- գրել է Կադիրովը:

NEWS.am STYLE