Այն վնասվածքները, որ տեսնում ենք, ուղղակի բոլոր մարդասիրական ու համամարդկային արժեքներից դուրս են. Արմեն Մուրադյան
Ադրբեջանի բռնապետական ռեժիմը ծայրահեղականների, վարձկանների, ահաբեկիչների օգնությամբ պատերազմ է հրահրել այն պահին, երբ ամբողջ աշխարհը պայքարում է կորոնավիրուսի պանդեմիայի դեմ: Այս մասին, այսօր՝ հոկտեմբերի 2-ին, Արցախի տեղեկատվկան կենտրոնում ճեպազրույցի ժամանակ ասաց Երեւանի բժշկական համալսարանի ռեկտոր Արմեն Մուրադյանը:
«Այդ ռազմական արկածախնդրության հետեւանքով զոհեր կան ոչ միայն զինվորականների, այլեւ խաղաղ բնակչության շրջանում՝ ծերեր, կայանք, երեխաներ, լրագրողներ:
Հայերն ապրել են, ապրում են եւ ապրելու են իրենց հայրենիքում, նայեք մարդկանց աչքերին, որոնք հրետակոծության ու ռմբակոծության տակ են հայտնվել, նայեք երեխայի աշքերին, ով այսօր վաղ առավոտյան արթնացել է ռմբակոծությունից եւ դուք կհասկանաք, թե ով է ճիշտ ասում»,-ասաց նա:
Անդրադառնալով իրավորների վնասվածքների բնույթին, Արմեն Մուրադյանն ասաց. «Այն վնասվածքները, որ մենք տեսնում ենք, ուղղակի բոլոր մարդասիրական ու համամարդկային արժեքներից դուրս են՝ հաշվի առնելով նրանց վտանգավոր բնույթը: Կարող ենք գրանցել, որ այդ զենքերի կիրառումը անմարդկային բնույթ է կրում, առավելեւս որ մենք համախմբված ենք մեկ այլ արհավիրքի՝ կորոնավիրուսի դեմ պայքարում: Բեկորային վնասվածքները գերակշիռ տեսակարար կշիռ ունեն, ինչը խոսում է այն մասին, որ առանց ընտրության ուժի կիրառումը կրում է անմարդկային բնույթ»:
Արմեն Մուրադյանը նշեց, որ երեկ տեսել է Le Monde-ի լրագրողի մարմնից հանված բեկորը. «Այդ բեկորը չէր կարող կիրառվել այն պայմաններում, երբ նպատակը թիրախը խոցելն է: Դա զանգվածային խոցման բեկոր էր, որն էլ նման ծանր վնասվածքի պատճառ է դարձել: Մեր բժիշկները պրոֆեսիոնալ են գործել: Մյուս մեր վիրավորները, որոնք գտնվում են հիվանդանոցներում, նույնպես ունեն բազմաբեկոր վիրավորումներ: Այսինք խոցման զենքերի միջեւ ընտրություն չի արվել, որ դա զանգվածային խոցման նպատակ է ունեցել, որը վերաբերելու է նաեւ քաղաքացիական բնակչությանը»:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը