Հարավային Կովկասը՝ Ռուսաստանի ու Թուրքիայի միջև պայքարի երրորդ թատերաբեմ. The Guardian
Բրիտանական The Guardian պարբերականը կրկին անդրադարձել Է ԼՂ սրված հակամարտությանը՝ նշելով, որ Հարավային Կովկասը Ռուսատանի ու Թուրքիայի միջև պայքարի երրորդ թատերաբեմ է դարձել:
Որպես այլ երկրի գործերին թուրքական միջամտության օրինակ է բերվում Լիբիայում իշխանության՝ Ազգային համաձայնության կառավարության օգտին «շրջադարձը» և Ռուսաստանի կողմից մեծապես աջակցվող Խալիֆա Հաֆթարին «հետին պլան մղելը», ինչպես նաև Սիրիայում ստեղծված փակուղային իրավիճակը: Ընդգծվում է, որ թուրքական անվտանգության ծառայությունների գործակալները Լիբիայում տեղի ունեցած վերջին դեպքերում մեծ դերակատարում ունեցած սիրիացի ընդդիմադիր զինյալներին վարձել են Լեռնային Ղարաբաղում կռվի դուրս գալու համար:
Նշվում է, որ ՆԱՏՕ-ն և ԵՄ-ն հակամարտող կողմերի միջև զինադադարի կնքման հայտարարություններ են կատարել, քանի որ տարածաշրջանը նաև գազի և նավթի տեղափոխման հիմնական «միջացքն» է համարվում: Խոսվում է նաև Վլադիմիր Պուտինի, Էմանուել Մակրոնի և Դոնալդ Թրամփի նախօրեին հակամարտությունը դադարեցնելու և բանակցային սեղանի շուրջ վերադառնալու կոչերի մասին:
Նշվում է, որ այս պարագայում ԱՄՆ-ն չեզոքություն է պահում, իսկ Ֆրանսիան ազդեցության քիչ լծակներ ունի: Մոսկվան նախկինում երկու կողմերին ստիպել է բանակցային սեղանի շուրջ վերադառնալ և այժ էլ նման կերպ վարվելու դրդապատճառներ ունի: Ռուսատանը պաշտպանության մասին համաձայնության մեջ է Հայաստանի հետ, սակայն զենք է վաճառում Ադրբեջանին և այսքան ժամանակ հաջողությամբ կարողացել է երկուսին հավասարակշռության մեջ պահել: Մոսկվան չի ցանկանում երկար պատերազմական գործողությունների հետևանքով ապակայունացած Հյուսիսային Կովկաս տեսնել, ինչպես նաև չի ուզում, որ դրա հետևում Թուրքիան կանգնած լինի:
Նշվում է, որ Անկարայի և Մոսկվայի պրագմատիզմի արդյունքում է հնարավոր եղել փոխադարձ շահերի այս բարդ հանգույցում խուսափել կռվի բռնկումից: Էրդողանը կարծում է, որ այսպիսով մինչ կողմերի համաձայնության գալն իր դիրքերն է ամրապնդում, սակայն հաշվի առնելով, որ երկրների միջև կապերն առավել բարդ են դառնում, խճճվելու հավանականությունը նույնպես մեծանում է: Ցանկացած պարագայում տուժում են խաղաղ բնակիչները՝ թե՛ Իդլիբում, թե՛ Լեռնային Ղարաբաղում:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը