Համայնքի ավագանու անդամների տարեկան հայտարարագրումը վնաս է հասցնելու ավագանու ինստիտուտին. Անի Սամսոնյան
Լիովին համաձայն եմ, որ համայնքի բնակիչներն իրավունք ունեն իմանալու, թե ինչպես է տնօրինվում իրենց համայնքի գույքը, համայնքի հարստությունները և այո, թե՛ համայնքի ավագանու անդամները, թե՛ համայնքի ղեկավարները իրենց լիազորությունների, գործառույթների շրջանակներում ունեն շատ լայն հնարավորություններ, որ համայնքում տեղի ունենան չարաշահումներ և համայնքի գույքը բաշխվի օրինական կամ ոչ օրինական, անարդար ճանապարհով:
Այս մասին ԱԺ-ում «Հանրային ծառայության մասին» և կից ներկայացված օրենքի փաթեթներում լրացում և փոփոխություն կատարելու հարցի քննարկման ժամանակ հայտարարեց «Լուսավոր Հայաստան» խմբակցության պատգամավոր Անի Սամսոնյանը:
Պատգամավորը նշեց, որ մյուս կողմից այստեղ խնդիր է տեսնում: «Այսօր առհասարակ տեղական ինքնակառավարման համակարգում ունենք քաոս, համայնքի ավագանու ինստիտուտը չենք կարողանում դեռևս կայացնել, որովհետև այդ ինստիտուտը ինչ-որ չափով հիմնված է կամավորության հիմունքների վրա և համայնքի ավագանու անդամը չի վարձատրվում, փոխհատուցվում է, բայց դա աշխատավարձ չէ: Ըստ էության, դժվար է ներգրավել մարդկանց, որ նրանք գան դառնան համայնքի ավագանու անդամ և ծառայեն համայնքի շահերին»,- ասաց նա:
Պատգամավորը վստահեցրեց՝ այս դեպքում, երբ առաջարկվում է, որ տարվա կտրվածքով հայտարարագիր ներկայացնեն նաև համայնքի ավագանու անդամները, մեծապես վնաս են հասցնելու համայնքի ավագանու ինստիտուտին որակական առումով։
«Որովհետև այսօր մենք փորձում ենք փոքր հնարավորություններով տարբեր ոլորտի մարդկանց իրենց մանսագիտական ունակություններով բերել կայացնել այս ինստիտուտը, բայց այդ մարդիկ տարբեր պատճառներով չեն ուզենալու հայտարարագրել իրենց միջոցները, որովհետև իրենք չեն վարձատրվում պետությունից և պարզապես չեն ուզելու հայտարարագրել»,- շեշտեց նա:
Ըստ պատգամավորի՝ ինքը կարող է հասկանալ, թե ինչու է առաջարկվում հայտարարագրել գույքն ու եկամուտները, բայց միևնույն ժամանակ անհասկանալի է, թե ինչու համայնքի ավագանու անդամները պետք է հայտարարագրեն ծախսերը, որովհետև իրենց կյանքի որակը, իրենց ապրելակերպը կախված չէ պետության միջոցներից: «Սա ևս նպաստելու է, որ մենք առանց այդ էլ թույլ տեղական ինքնակառավարման համակարգին մեծ վնաս հասցնենք: Խնդրում եմ վերանայել համայնքի ավագանու անդամների մասով հայտարարագրման նախագծի դրույթները»,- հայտարարեց Անի Սամսոնյանը:
Նշենք, որ կառավարությունն առաջարկում է 15 000 և ավելի բնակչություն ունեցող համայնքների ավագանու անդամները տարեկան հայտարարագիր ներկայացնեն:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ