Դուք հավակնեցիք դառնալ սուպեր նախարար և տապալեցիք կրթությունը, գիտությունը, մշակույթը, սպորտը. Սամսոնյանը՝ նախարարին
Դուք հավակնեցիք դառնալ սուպեր նախարար և տապալեցիք կրթությունը, գիտությունը, մշակույթը և սպորտը: Այս մասին այսօր Ազգային ժողովում իր ելույթում ասաց «Լուսավոր Հայաստան» խմբակցության պատգամավոր Անի Սամսոնյանը: Հիշեցնենք, որ ԱԺ-ում ՀՀ կրթության, գիտության, մշակույթի և սպորտի նախարար Արայիկ Հարությունյանը ներկայացնում է «Լուսավոր Հայաստան»-ի հարցապնդման պատասխանը, որով պահանջում են նախարարի հրաժարականը:
«Դուք կրթության հիմնահարցերը թողած՝ պատերազմ հայտարարեցիք ԱՅԲ դպրոցին և պարտվեցիք այդ պատերազմում, դուք հրապարակային և ոչ հրապարակային սկսեցիք նվաստացնել մանկավարժներին, ծաղրել նրանց կարողությունները: Դուք հայտարարեցիք, որ ապակուսակցականացնում եք դպրոցները, բայց կառավարման խորհուրդներում հանրապետականներին դանդաղ փոխարինեցիք ՔՊ-ականներով, կրկնապատկեցիք վախի մթնոլորտը դպրոցներում»,-ասաց Անի Սասմոնյանը և նշեց, որ Արայիկ Հարությունյանը քաղաքականացրել է մայր բուհի հոգեբարձուների խորհուրդը:
«Դուք վերացրեցիք կրթության ազգային իստիտուտը և առ այսօր ոչինչ չեք ստեղծել, Դուք մտադրություն ունեք վերացնելու ՀՀ գիտությունների ազգային ակադեմիան: Ձեր պաշտոնավորման կարճ ժամանակահատվածում աճեց հանրակրթությունից դուրս մնացած երեխաների թիվը՝ 274-ից դառնալով 367: Ձեր ապաշնորհ կառավարման և կիսատ-պռատ բարեփոխումների հետևանքով 2020 թվականի մի ամբողջ սերունդ զրկվեց բուհ ընդունվելուց, Դուք ոչ թափանցիկ մրցույթներով, անհասկանալի սկզբունքներով ընտրված փորձագիտական խմբերով մշակեցիք հանրակրթության չափորոշիչները և պարզվեց՝ դրանց մի մասն էլ գրագողություն է, որին դուք այդպես էլ գնահատական չեք տվել»,-ասաց նա և նշեց, որ նախարարը բոլոր իրեն քննադատողներին անվանել է խավարամիտներ:
«Պարոն նախարար, ինչպես «Արարատը սուրբ լեռ է» արտահայտությունը բաժակաճառ է Ձեզ համար, այնպես էլ Ձեր՝ հեղափոխական խմբի առաջնորդ լինելու թեզը բաժակաճառ է բոլորի համար, դրան հավատում են միայն ձեր օգնականները»,-ասաց նա:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ