Դատախազությունում խոստացան, որ «մոտ օրերս հարցը կհանգուցալուծվի». տափերականցիների բողոքի ակցիան ավարտվեց
Գլխավոր դատախազության դիմաց Արարատի մարզի Տափերական գյուղի բնակիչների բողոքի ակցիան ավարտվեց: Նրանք պահանջում են կալանքից ազատ արձակել իրենց գյուղի բնակիչ Ալեն Պետրոսյանին: Նրա փաստաբան Արման Արզումանյանի խոսքով, Ալեն Պետրոսյանը մեղադրվում է սպանության եւ ապօրինի զենք կրելու մեջ, սակայն ավելի ուշ իրական կատարողը, իրական կրակոց արձակողն ինքնակամ ներկայացել է վարույթն իրականացնող մարմնին, տվել խոստովանական ցուցմունքներ, անգամ ներկայացրել զենքը:
Հատկանշանակ է, որ խոստովանած երիտասարդն ազատության մեջ է, իսկ Ալեն Պետրոսյանի դեպքում արդեն 2 անգամ կալանքը երկարացրել են:
Ալեն Պետրոսյանի փաստաբանին այսօր ընդունեց Գլխավոր դատախազի տեղակալ Արմեն Աֆանդյանը: Նրա հետ հանդիպումից հետո փաստաբանը լրագրողներին ասաց. «Մենք քննարկեցինք գործի հանգամանքները, մեզ հայտնի տեղեկությունները փոխանցեցինք պարոն Աֆանդյանին: Նա խոստացավ, որ մոտ օրերս այդ հարցը կհանգուցալուծվի, որոշակի կոնկրետություն կլինի գործի վարույթում: Ենթադրում եմ, որ որոշակի քննչական ու դատավարական գործողություններ պետք է կատարվեն»:
Փաստաբանի խոսքով, իրենք այսպահին պահանջ չեն դրել, որ իր մասով գործի կարճում լինի, որովհետեւ հասկանում են խնդրի էությունը. «Վերջապես մարդ է մահացել, քննարկել ենք ազատությունից զրկելու հարցերը, որ այս պահին առնվազն անառարկա է: Թող մեղադրանքը պահպանվի, հետագայում դա կհերքվի կամ կհաստատվի: Այդ հարցը չենք քննարկել:
Այս պահին ակցիան շարունակելն էլ է անառարկա: Կարծում եմ՝ այո, դադարեցնում ենք ակցիան, սպասում ենք: Մենք վստահում ենք գլխվոր դատախազությանը, չենք վստահում մարզային դատախազությանը»,-ընդգծեց Արման Արզումանյանը:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ