Հայաստանը շտապօգնության 10 ավտոմեքենա նվիրեց Արցախին
Կառավարությունն իր այսօրվա՝ սեպտեմբերի 10-ի նիստում որոշում կայացրեց ՀՀ առողջապահության նախարարության հաշվեկշռում հաշվառված շտապօգնության 3 ռեանիմոբիլները և 7 գծային ավտոմեքենաները՝ հագեցած բժշկական սարքավորումներով և պարագաներով (295,8 մլն դրամ հաշվեկշռային արժեքով), հետ վերցնել և նվիրաբերել Արցախի Հանրապետությանը՝ Գույքի նպատակային նշանակությամբ օգտագործման պայմանով:
Որոշման հիմնավորման մեջ նշվում է, որ որոշման նախագծի ընդունմամբ նախատեսվում է ՀՀ առողջապահության նախարարության հաշվեկշռում հաշվառված 2020 թվականին ձեռք բերված թվով 10 Ֆորդ տրանզիտ DLQ5030XJHA տեսակի ավտոմեքենաները հետ վերցնել և նվիրաբերել Արցախի Հանրապետությանը:
Նախագիծը նպատակ ունի աջակցել Արցախի առողջապահության համակարգի շտապ բժշկական օգնության ծառայության շրջանակներում իրականացվող ամենօրյաաշխատանքներին, նպաստել դրանց որակի և հասանելիության բարձրացմանը։
Նվիրաբերվող ավտոմեքենաներից 3-ը շտապ բժշկական օգնության ռեանիմոբիլներ են՝ հագեցված 9 անուն շտապ բժշկական օգնության ցուցաբերման համար անհրաժեշտ սարքավորումներով և առաջին օգնության պայուսակով, որն իր հերթին հագեցված է պացիենտին առաջին օգնության ցուցաբերման համար անհրաժեշտ պարագաներով։
Մյուս 7 ավտոմեքենան գծային ավտոմեքենաներ են, նույնպես հագեցած 6 անուն անհրաժեշտ բժշկական սարքերով և առաջին օգնության պայուսակով։
Նախագիծը մշակվել է Արցախի Հանրապետության հետ համագործակցության և աջակցության շրջանակներում։
Նվիրաբերվող թվով 10 շտապ բժշկական օգնության ավտոմեքենաները ունեն բարձր անցանելիություն և հնարավորինս հարմարեցված են Արցախի Հանրապետության լեռնային ռելիեֆին։
Սույն նախագծի ընդունմամբ ակնկալվում է նպաստել Արցախի ազգաբնակչությանը մատուցվող բժշկական օգնության և սպասարկման ծառայությունների որակի, հասանելիության բարելավմանը, ինչպես նաև հզորացնել Արցախի առողջապահական համակարգի նյութատեխնիկական բազան։
Վարչապետ Նիկոլ Փաշինյանը հույս հայտնեց, որ դրանք Արցախում շատ չեն օգտագործվի, միայն ծննդօգնության նպատակներով:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մարմնամարզության տղամարդկանց հավաքականը տուն է վերադառնում