Ով է իրականում ձգձգում «Մարտի 1»-ի գործը
ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանն այսօր հրավիրված մամուլի ասուլիսի ժամանակ անդրադարձավ արդարադատության նախարար Ռուստամ Բադասյանի հայտարարությանը, թե դատական նիստերը ձգձգելու միտում է տեսնում:
Ալումյանը նշեց, որ ծանոթացել է Բադասյանի հարցազրույցի սղագրությանը. «Եթե այնպես է արտահայտվել, ինչպես սղագրության մեջ է արտացոլված եղել, արդարադատության նախարարը շեշտը դրեց այն բանի վրա, որ այս գործով տարբեր դատավորներ ինքնաբացարկ են հայտնել, յուրաքանչյուր դատավոր փորձել է այս գործից ինչ-որ կերպ խուսափել, ինքնաբացարկ է հայտնել գործը փոխանցվել է մեկ այլ դատավորի և այլն: Իհարկե, այն, ինչ ինքն ասաց, գոյություն ունի, դատավորները չեն ուզում այս գործի հետ ընդհանուր որևէ բան ունենալ և դա երևում է հենց ինքնաբացարկների քանակից, որն այս գործի առնչությամբ եղել են»,- ասաց նա:
Հայկ Ալումյանն ընդգծեց, թե լավ կլիներ, որ Բադասյանն անդրադառնար և հիշատակեր գործի ձգձգման այլ կարևոր պատճառներին: «Օրինակ՝ երբ գործը գտնվում էր դատավոր Դավիթ Գրիգորյանի վարույթում, ակնհայտ շինծու քրեական գործ ստեղծեցին, զուտ մեկ պատճառով, որ այս քրեական գործը դատավոր Դավիթ Գրիգորյանի վարույթից վերցնեն, փոխանցեն մեկ այլ դատավորի: Կամ երբ արդեն Դավիթ Գրիգորյանի վարույթից գործը վերցրել էին և նրա լիազորությունները դադարեցվել էր այդ ակնհայտ շինծու քրեական գործի արդյունքում և այն պետք է վերամակագրվեր ուրիշ դատավորի, երկար ժամանակ գործը չէր մակագրվում որևիցե դատավորի, երբ հենց նույն օրը կամ հաջորդ օրը պետք է մակագրվեր»,- ասաց նա:
Ալումյանը նշեց, որ գործը մեկ ամսից ավելի ուրիշ դատավորի չէր մակագրվում, որովհետև դատավոր Աննա Դանիբեկյանը դեռ արձակուրդում էր և պետք է գար գործի, որպեսզի մակագրվեր իրեն: «Պարոն Բադասյանը, եթե այս փաստը նայի բավականին հետաքրքիր հետևությունների կգա, այլ բան է կցանկանա՞ այս մասին բարձրաձայնել, ես կասկածում եմ»,-շեշտեց նա:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ