Չգիտեմ, թե այս անգամ ինչ կերպար է ընտրելու Մարությանը՝ ժողովրդին ասելու համար, որ էլի խաբեց, ոչ մի ավտոբուս չեն բերում, դրանք «ԳԱԶել»-ներ են
Մանիպուլատիվ, ստահոդ խաբեությունը, որով զբաղվում է ներկայիս քաղաքային իշխանությունը՝ միանշանակ լավ տեղ չի տանելու և սա բոլորի համար է ակնհայտ: Այս մասին այսօր Tert.am-ի հետ զրույցում ասաց Երևանի ավագանու «Լույս» խմբակցության անդամ Թեհմինա Վարդանյանը՝ խոսելով Երևանի քաղաքապետ Հայկ Մարությանի՝ տրանսպորտային ցանցի վերաբերյալ փոփոխությունների խոստումների չիրականացման մասին:
Թեհմինա Վարդանյանը հիշեցրեց, որ երեկ տրանսպորտային միջոցների մրցույթի հայտարարման օրն էր և այդ մրցույթի չափորոշիչները համապատասխանում են միայն «ԳԱԶել»-ներին, մինչդեռ իր դիտարկմամբ՝ Մարությանի խոստումները բացարձակ այլ բանի մասին են եղել:
«Քաղաքապետարանը որևէ կերպ չի արձագանքել երեկ տեղի ունեցած պարոն Խաժակյանի ասուլիսի ժամանակ բարձրացված հարցերին և քաղաքապետարանը, թե «նամուս» ունենա, չի էլ արձագանքի, որովհետև մենք օր օրի բախվում ենք այն իրականության հետ, որը շատ վաղուց կանխատեսել էինք: Ես արդեն մեկ տարուց ավել է՝ խոսում եմ տրանսպորտային համակարգի խնդիրների մասին, որովհետև, երբ Մարությանը ընտրվեց քաղաքապետ, պաթոսով, կուծք ծեծելով խոստացավ, որ առնվազն երկու տարվա ընթացքում՝ Երևանն ունենալու է նոր տրանսպորտային համակարգ, սակայն անցավ մեկ տարի և ասացին, որ կրկին երկուսից-երեք տարի է պահանջվում»,- ասաց նա:
Նա նշեց՝ շուտով լրանում է քաղաքապետ Հայկ Մարությանի պաշտոնավարման երկու տարին, սակայն իր խոսքով՝ այսօր մենք ոչինչ չունենք: ««ԿամԱԶ»-ների պատմությունը կրկնվում է և ես չգիտեմ, թե Հայկ Մարությանն ինչ դեմքով և խղճով է հանդես գալու, չնայած նրա դեմքերը շատ են՝ մասնագիտությունից ելնելով, բայց չգիտեմ՝ այս անգամ ինչ կերպար է ընտրելու, որ ժողովրդին ասի՝ ես էլի ձեզ խաբեցի և ոչ մի ավտոբուս էլ չենք բերում, դրանք «ԳԱԶել»-ներ են»:
Վարդանյանը չբացառեց, որ այս նույնիսկ «ԳԱԶել»-ների ընտրման մրցույթում կհաղթի այն ընկերությունը, որը խնամի-ծանոթ-բարեկամ սկզբունքով կապ ունի Հայկ Մարությանի հետ և ըստ նրա՝ պտտվող խոսակցություններն իրականություն դառնալու հատկություն ունեն: Նրա գնահատմամբ՝ այս իշխանությունները մեկի մյուսի հետ փոխկապակցված են և խնամի-ծանոթ-բարեկամ եզրույթի վառ ներկայացուցիչները նրանք են։
Հարցին, թե առաջիկա ավագանու նիստին արդյոք այս հարցը բարձրացվելու է և պատասխան է ակնկալվելու քաղաքապետին, ավագանու անդամը պատասխանեց՝ պարտադիր խնդիրը բարձրաձայնելու են:
«Ճիշտ է՝ մեզ ընտրվել ենք ավելի քիչ ձայներով, քան ներկայիս իշխանություններին, բայց չխոսեմ, թե ինչի արդյունքում և ում գործոնով են ընտրվել նրանք, ամեն դեպքում մենք պատասխանատու ենք մեզ ընտրողների առջև, այնպես, ինչպես պատասխանատու ենք Մարությանին որպես քաղաքապետ ընտրողների առջև: Մենք այսօր ունենք մանդատ և օգտվելու ենք մեր ձայնը բարձրաձայնելու հնարավորությունից և ներկայացնելու ենք խնդիրները, որտեղ իշխանությունները լկտիաբար խաբում են»,- շեշտեց նա և դիտարկմանը, թե գուցե Հայկ Մարությանը կրկին փորձի լռեցնել նրան, վերջինս պատասխանեց. «Հայկ Մարությանի մոտ իմ անձի հետ կապված բարդույթ է, բայց ինչքան էլ լռեցնի, միևնույն է խոսելու եմ, մաղթում եմ՝ գոնե այդ բարդույթից ազատվի»:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ