«Քրեական ենթամշակույթի դեմ պայքարում գրանցում ենք հաջողություններ». Նախարարը՝ ԿՔՀ-ներում խոշտանգման ահազանգերի մասին
ՔԿՀ-ներում տարիներ շարունակ խոշտանգման դեպքերը կապված էին քրեական ենթամշակույթի հետ, իսկ հիմա կարող ենք արձանագրել, որ ուղղակի բառեր չէին մեր ասածը, որ պայքարելու ենք այդ ենթամշակույթի դեմ: Այս մասին, այսօր՝ օգոստոսի 31-ին, ԱԺ-ում լրագրողների հետ զրույցում նշեց արդարադատության նախարար Ռուստամ Բադասյանը՝ անդրադառնալով բարձրացված մտահոգություններին, որ վերջին օրերին ՔԿՀ-ներում խոշտանգման դեպքեր են արձանագրվել դատապարտյալների նկատմամբ:
«Եթե վստահելու ենք ոչ թե արդարադատության նախարարության կամ քրեակատարողական ծառայության տեղեկատվությանը, այլ քրեական ենթամշակույթի կողմից տարածվող լուրերին, ըստ որի խոշտանգումներ են տեղի ունենում ՔԿՀ-ներում, կարծում եմ՝ դա սխալ մոտեցում է:
Քրեական ենթամշակույթի դեմ պայքարն ընթանում է, ընթանալու է: Վերջին հարուցված քրեական գործերին դուք ծանոթ եք եւ բնականաբար, որոշ դեպքերում այդ գործերի կամ դրանցից դուրս խցերում կատարված խուզարկությունները կարող են որոշակի դիմադրության արժանանալ: Այդ դիմադրությունը հաղթահարելու օրենքով սահմանված մեխանիզմ կա, խոշտանգման մասին խոսելը ավելորդ է: Խոշտանգությունը կապված են եղել քրեական ենթամշակույթի, այդ ենթամշակույթի ազդեցության, այդ թվում ՔԿԾ-ի վրա ազդեցության հետեւանքով: Հիմա մենք զբաղված ենք այդ հետեւանքը ծնող պատճառների վերացմամբ»,-ասաց նախարարը:
Նա վստահություն հայտնեց, որ քրեական ենթամշակույթի դեմ պայքարին ուղղված օրենքի կիրառելիության հետ կապված ոչ մի մտահոգություն չունի. «Ակնհայտ է, որ քրեական ենթամշակույթի դեմ պայքարում մենք գրանցում ենք հաջողություններ»,-ասաց Բադասյանը:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ