Արցախի նախագահը շրջայց է կատարել մայրաքաղաքում. կբարեկարգվեն փողոցներ, կլուծվի վթարային շենքերի բնակիչների խնդիրը
Արցախի Հանրապետության նախագահ Արայիկ Հարությունյանը նախօրեին շրջայց է կատարել Ստեփանակերտի մի շարք թաղամասերում:
Երկրի ղեկավարը հանդիպել է Մարտունի 26 հասցեում գտնվող վթարային շենքի բնակիչների հետ: Նա նշել է, որ հանձնարարական է տվել ամենակարճ ժամանակահատվածում լուծել մայրաքաղաքում և հանրապետության այլ համայնքներում վթարային բոլոր շենքերի հարցը: Նախագահի խոսքով՝ շենքի բնակիչների բնակարանային խնդիրը վերջնական լուծելու համար պետական բյուջեից կհատկացվեն անհրաժեշտ միջոցներ: Մինչ այդ նրանք կարող են տեղափոխվել վարձով բնակարաններ, որոնց վարձավճարները կտրամադրի պետությունը:
Բնակարանների տրամադրման համար հիմք է հանդիսանալու համապատասխան հանձնաժողովի կայացրած որոշումը: Ըստ այդ որոշման՝ կառավարությունը հնարավորություն է ունենալու համապատասխան սենյակների քանակով բնակարան կամ համապատասխան գումարի չափով փոխհատուցում տրամադրել քաղաքացիներին: Նախագահը նշել է, որ բացառվելու են լրացուցիչ գումարներ ստանալու նպատակով կատարված կեղծ գրանցումները: Հանձնաժողովը զբաղվելու է նաև մայրաքաղաքի մնացած բոլոր վթարային շենքերի գույքագրմամբ, որոնց հետ կապված խնդիրներն լուծումներ կստանան՝ ըստ հերթականության:
Շահինյան, Ամիրյան, Շիրազ, Հովհաննեսյան փողոցների բնակիչների խնդիրը թաղամասի ճանապարհն է, որը գտնվում է անբարեկարգ վիճակում: Նախագահի հանձնարարականի համաձայն՝ 2021թ.-ին պետական բյուջեով նշված բոլոր փողոցները կբարեկարգվեն և կասֆալտապատվեն:
Շրջայցի ընթացքում նախագահին ուղեկցում էին ԱՀ քաղաքաշինության նախարար Արամ Սարգսյանը և Ստեփանակերտի քաղաքապետ Դավիթ Սարգսյանը:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Սիրո անունը Հայաստան է
Առողջապահության նախարարությունը՝ Գագիկ Խաչատրյանի առողջական վիճակի մասին
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Հանրակրթական ուսումնական հաստատությունների ավագ դասարաններում ներդրվել է «Ճանապարհային երթևեկության ...
Առանձին շրջաններում սպասվում է կարճատեւ անձրեւ եւ ամպրոպ
Հանդիպում Համաշխարհային բանկի ներկայացուցիչների հետ
Ընթանում է Գարեգին Բ-ի և 6 եպիսկոպոսի գործով դատական նիստը
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների