Կազմվեց արձանագրություն՝ մի շարք խախտումներով. M Group ընկերության փաստաբան

M Group ընկերությունում Ոստիկանության 6-րդ վարչության աշխատակիցները դեպքի վայրի զննության աշխատանքները շարունակում են, կազմվել է արձանագրություն՝ մի շարք խախտումներով։ Այս մասին լրագրողների հետ զրույցում ասաց ընկերության փաստաբան Գեորգի Մելիքյանը։

«Կազմվեց արձանագրություն, կատարվել է դեպքի վայրի զննություն։ Գործողությունները սկսվել են 11։40-ին, այն ժամանակ երբ արձանագրություն լրացնող անձը գտնվել է այս սեղանի կողքին։ Մենք պահանջել ենք, որ մեզ մասնակցի դարձնեն այդ գործողությանը, տրամադրեն դատարանի որոշում, հակառակ պարագայում դադարեցնել անօրինական գործողությունները, սակայն հրաժարվել է մեզ մասնակիցը դարձնել եւ արձանագրության մեջ կազմվել է կեղծիք։ Մեր վստահորդին առաջարկվել է մասնակցել գործողությանը, սակայն չի արձագանքել»,- ասաց Մելիքյանը։

Փաստաբանն ասաց, որ արձանագրության մեջ նշված է 3 ոստիկան, սակայն այս պահին գրասենյակում 3-ից ավելի ոստիկաններ կան. «Տեսնում եք այստեղ 3 ոստիկան, 3 դիմակավորված ոստիկան է ներսում են, քաղաքացիական հագուստով էլ 6 ոստիկան է այնտեղ գտնվում, իսկ արձանագրության մեջ նշված է 3 ոստիկան։ Այնտղ արձանագրված չէր, թե կոնկրետ ի՞նչ հանցագործության դեպք է տեղի ունեցել սույն գրանսենյակի տարածքում եւ ի՞նչ հանցագործության դեպքի շուրջ է տեղի ունենում քննություն։ Մեզ համար այս պահին էլ անհասկանալի է, թե ինչ քրեական գործի շրջանակներում է տեղի ունենում այս գործողությունները»։