Բոլոր հայերն էլ ուզում են էներգետիկ ոլորտում անկախ լինել, ժամանակն է, որ այս ուղղությամբ ներդրումներ կատարվեն. Սվիտալսկի
Բոլոր հայերն էլ ցանկանում են էներգետիկ ոլորտում անկախ լինել, ժամանակն է, որ այս ուղղությամբ ներդրումներ կատարվեն: Այս մասին, այսօր՝ հուլիսի 7-ին, Երեւանում արեւային էներգիայով սնուցվող հանրային տրանսպորտի առաջին կանգառների բացման ժամանակ նշել է Հայաստանում ԵՄ դեսպան Պյոտր Սվիտալսկին:
Դեսպանը Մոսկովյան փողոցի կանգառներից մեկում տեղադրվախ արեւային վահանակ, նշելով, որ դրանք կարելի է համարել «Եվրամիության արեւային կանգառ»:
«Հայաստանում էներգետիկ ոլորտը առաջնահերթություն է եւ հետագայում էլ կշարունակի առաջնային լինել Եվրոպական միության համար»,-ընդգծել է Սվիտալսկին՝ հավելելով, որ ԵՄ-ի համար առանցքային նախաձեռնություն է «Վերականգնվող էներգիայի եւ էներգիայի արդյունավետ օգտագործման հնարավորությունը Վայք եւ Սպիտակ քաղաքներում» ծրագիրը, որը մշակելու, փորձարկելու է էներգիայի խնայողության մոդելները Վայքի եւ Սպիտակի բազմաբանակարան շենքերում:
«Մենք սրանով փորձում ենք խթանել Հայաստանի էներգետիկ անկախությանը», - հայտարարեց Սվիտալսկին։
Հարցին, թե հնարավո՞ր է, որ այսպիսի ծրագրերի իրականցմամբ Արեւմուտքը փորձում է նվազեցնել Հայաստանում ՌԴ-ից Էներգետիկ կախվածությունը, քանի որ վերջերս նաեւ ԱՄՆ դեսպանն էր անդրադարձել էներգետիկ ոլորտում մեծ ներդրումների մասին, Պյոտր Սվիտալսկին պատասխանեց. «Մենք՝ որպես Եվրոպական միություն, ամենայն լրջությամբ ենք վերաբերում Հայաստանի անկախությանը, եւ էներգետիկ կախվածությունը շատ կարեւոր գործոն է բոլոր պետությունների համար: Շատ բան, որ մենք այսօր կատարում ենք Հայաստանում՝ որպես թիրախ ընտրում ենք էներգետիկ անկախությունը: Այժմ ներառել ենք ավելի քան 30 մլն եվրո էներգետիկ ոլորտում, ընթացիկ տարբեր ծրագրերում: Այս գումարի մեծ մասն ուղղորդվում է, որպեսզի Հայաստանի եւ Վրաստանի միջեւ փոխանցման լարեր կառուցվեն, քանի որ մենք գտնում ենք, որ ավելի լավ կապվածությունը եւ փոխկապվածությունը նպաստում է Հայաստանի էներգետիկ հզորացմանը:
Էներգիայի այլընտրանքային, վերականգնողական աղբյուրները, որոնք տվյալ պահին գուցե շատ ավելի փոքր բաժին ունեն, բայց ժամանակի ընթացքում շատ ավելի մեծ բաժին են ունենալու ընդհանուր ծավալի մեջ՝ հատկապես երբ խոսքը վերաբերում է արեւային, արեգակնային էներգիային, որը որեւէ երկրից կախված չէ, ամբողջովին ձերն է: Այնպիսի երկրի համար, ինչպիսին Հայաստանն է, որ չունի Էներգետիկ աղբյուրներ՝ նավթ, բնական գազ, ածուխ, սա, իսկապես, կաեւորագույն աղբյուր է»:
ԵՄ դեսպանի խոսքով՝ ժամանակն է, որ այս ուղղությամբ ներդրումներ կատարվեն, քանի որ բոլոր հայերն էլ ցանկանում են ունենալ ավելի էժան Էներգիա եւ լինել առավել անկախ, իսկ ԵՄ-ն կարծում է, որ ժամանակի ընթացքում երկուսն էլ կլինեն:
Պյոտր Սվիտալսկին ասաց, որ չեն մտածում քաղաքական, աշխարհաքաղաքական գործոնների մասին, այլ մտածում են սովորական հայաստանցիների մասին, որպեսզի նրանց հասանելի դարձնեն ավելի էժան և մաքուր էներգիայի աղբյուրները:
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Սևանում տեղի է ունեցել «Sevan AgriTech Summit»-ը
Կարլոս Էսպին պայմանագիր է կնքել «Ռեալ Մադրիդի» հետ
«Տելեգրամ»-ի միջոցով 10 կգ թմրամիջոցների ապօրինի շրջանառության դեպքի վերաբերյալ քրեական վարույթի նախ...
Գանսուի թռչող ձին. չինական նահանգի հնագույն ժառանգություն