ՍԴ անդամի թեկնածուի հետ կապված լարվել են Ռուստամ Բադասյանի ու Վահե Գրիգորյանի հարաբերությունները
Իշխանության ներսում կուլիսային պայքարը նոր թափ է հավաքում։ «Հրապարակ»-ի տեղեկութուններով՝ վերջերս խիստ լարվել են Արդրադատության նախարար Ռուստամ Բադասյանի և Սահմանադրական դատարանի դատավոր Վահե Գրիգորյանի հարաբերությունները։
Բանն այն է, որ ԱԱԾ-ում ու իրավական բլոկում յուրայիններին տեղավորելուց հետո, Բադասյանն անցել է դատական համակարգին։ Երկու օր առաջ ՀՀ կառավարությունը Սահմանադրական դատարանի դատավորի պաշտոնում առաջադրեց իրավաբան Վահրամ Ավետիսյանի թեկնածությունը։ Եւ սա արդարադատության նախարարի իդեան է։ Պարզվում է՝ այս որոշումը անակնկալ է եղել ոչ միայն «Իմ քայլի», այլև ՍԴ անդամ, ՀԱԿ-ի հետ մերձ կապեր ունեցող Վահե Գրիգորյանի և նրա մերձավոր շրջապատի համար։
Բանն այն է, որ Վահե Գրիգորյանը, Տիգրան Եգորյանն ու իր կինը՝ Լուսինե Հակոբյանը, որոնք կանգնած են հեղափոխականների իրավական բարեփոխումների ինչպես նաև Սահմանադրական դատարանի կազմի փոփոխության համար երկու տարի մղվող պայքարի ետեւում, համարում էին, որ 3 դատավորի հեռացումից հետո, իրենք վաստակել են ՍԴ անդամներ նշանակելու իրավունքը եւ պատրաստվում էին յուրայիններին մտցնել Բարձր դատարան։
Մինչդեռ Բադասյանը վերջին պահին մտել է Նիկոլ Փաշինյանի մոտ և համոզել է նրան առաջադրել Վահրամ Ավանեսյանի թեկնածությունը՝ երաշխավորելով, որ նա ամբողջության իր վերահսկողության տակ է գտնվում։
Մեր աղբյուրի փոխանցմամբ՝ Վահե Գրիգորյանն ու նրա մերձավորները կառավարության նիստի օրակարգից են տեղեկացել, որ ՍԴ դատավորի իշխանական թեկնածուն Ավանեսյանն է։ Հենց դա է պատճառը, որ Վահե Գրիգորյանի հետ կապված իշխանական որոշ լրատվամիջոցներ և իրավաբաններ արդեն երկու օր է՝ սուր քննադատության են ենթարկում Վահրամ Ավետիսյանին՝ հիշեցնելով, որ Սերժ Սարգսյանի նախագահության տարիներին նրա հայրը՝ Դավիթ Ավետիսյանը, ազդեցիկ դեր է ունեցել Հայաստանի դատական համակարգում, անձամբ է ղեկավարել «Մարտի 1»-ի գործով բանտարկյալների, այդ թվում` Նիկոլ Փաշինյանի դատավճիռների կայացման պրոցեսը։
Թե ինչով կավարտվի Ռուստամ Բադասյան-Վահե Գրիգորյան պայքարը, ցույց կտա ժամանակը։ Բայց մի բան փաստ է, Սահամանդրական դատարանի խնդիրը կանգնել է իշխանությունների կոկորդին և սահմանադրական ճգնաժամը նորանոր դրսեւորումներ է ունենալու՝ իշխող ուժի համար լրացուցիչ պրոբլեմներ ստեղծելով:
Ջերմաստիճանը կբարձրանա
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Գյումրիում Արթուր Ալեքսանյանի անվան մարզահամալիրի շինարարական աշխատանքը մտել է ակտիվ փուլ․ կնքվել է ...
Խախտումներ՝ 102 մանկապարտեզից 82-ում․ նոր՝ խստացված սննդակարգի պահպանումը խոշորացույցի տակ է
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
Օպերատիվ իրավիճակը հանրապետությունում հուլիսի 7-ից-8-ը
Ծովի հատակին ոսկու «գանձարան» են գտել
Մատենադարանում հուլիսի 22-24-ը կանցկացվի 3-րդ Հայագիտական միջազգային կոնգրեսը
Ռեալը պաշտոնական կայքում հանդես է եկել հայտարարությամբ
Մերկապարանոց գնահատականներ. Ռոմանոս Պետրոսյանն արձագանքել է Սամվել Կարապետյանին