ԵՄ-ն և ԱՀԿ-ն մեծաքանակ օգնություն են տրամադրել Վրաստանին` կորոնավիրուսի դեմ պայքարելու համար

Վրաստանը բժշկական իրերի տեսքով մեծաքանակ օգնություն է ստացել Եվրամիությունից և Առողջապահության համաշխարհային կազմակերպությունից` կորոնավիրուսի համավարակի դեմ արդյունավետ և անվտանգ պայքար մղելու համար: Այս մասին տեղեկացնում է kvira.ge կայքը:

ԵՄ ֆինանսավորման և ԱՀԿ-ի ջանքերի միջոցով Վրաստան է ուղարկվել անհատական պաշտպանության շուրջ 1,5 միլիոն միջոց, որում ներառվել են 13 200 պաշտպանիչ ակնոց, 30 000 բժշկական պաշտպանիչ հագուստ, 1 միլիոն բժշկական դիմակ, 328 000 ռեսպիրատոր և այլ բժշկական իրեր:

Նշվում է, որ օգնությունը հնարավորություն կտա Վրաստանին ավելի լավ պայքարել համավարակի դեմ:

Վրաստանում, վերջին տվյալներով, գրանցվել է կորոնավիրուսով վարակման 1117 դեպք, վարակման հետևանքով մահացել է 16 մարդ: