Արամ Սարգսյանը կդառնա փոխվարչապետ․Ավինյանը չի կարողանում բացել Ամուլսարի հանքը
Politik.am-ը գրում է. «Շաբաթներ առաջ մենք գրել էինք, որ վարչապետ Նիկոլ Փաշինյանը փորձում է ազատվել փոխվարչապետ Տիգրան Ավինյանից։ Որպեսզի թիմում դժգոհություններ չլինեն և ճեղք չառաջանա` Փաշինյանը փորձում է համավարակի տապալումը և տնտեսական մի շարք խնդիրների չլուծումը բարդել հենց Ավինյանի վրա։
Հիմա Ավինյանի վրա անլուծելի խնդիր է դրված՝ նրանից պահանջում են, որպեսզի ելքեր գտնի և բացի Ամուլսարի ոսկու հանքը, որը լուրջ ֆինանսական հոսքեր կապահովի Հայաստանի համար։ Հիմա առավել քան երբևէ Փաշինյանի կառավարությունն այդ փողերի կարիքն ունի։
Սրանով է պայամավորված, որ Ամուլսարում վերջին մեկ ամսվա ընթացքում պարբերաբար սադրիչ գործողություններ են անում խմբավորումներ, որոնք ներկայանում են իբրև Լիդիան Արմենիա ընկերության կապալառուներ, որոնք պայմանագրով հանձն են առել ինչ-որ աշխատանքներ կատարել Ամուլսարի տարածքում։ Կամուֆլյաժային արտահագուստով ու զենքով պահնորդական ծառայություն իրականացնող չնույնականացված ընկերությունն էլ իր հերթին է սրում իրավիճակը Ամուլսարի տարածք տանող ճանապարհին։ Ավինյանը լավ է հասկանում, որ եթե կարողանա լուծել ոսկու հանքի շահագործման խնդիրը, ապա իրեն «կներվի» նաև համավարակի դեմ պայքարի տապալման պատմությունը և նա կշարունակի պաշտոնավարել փոխվարչապետի պաշտոնում։
Ավինյանի գործերը բարդանում են, քանի որ իրեն հավանական փոխարինող Արամ Սարգսյանը վերջին ամիսների ընթացքում հարցազրույցներ է տալիս, խոսում Ամուլսարի ոսկու հանքի շահագործման կարևորության մասին, մեղադրում բնապահպաններին Ռուսաստանի կողմից ֆինանսավորվելու մեջ։ Սարգսյանը հստակ հասկացնում է վարչապետ Փաշինյանին, որ եթե ինքը լիներ փոխվարչապետ, ապա միանշանակ կբացեր հանքի ճանապարհը։
Ելնելով ստեղծված իրավիճակից և բնապահպանների ու շրջակա բնակավայրերի տրամադրություններից կարելի է ենթադրել, որ Ավինյանը չի կարողանա բացել հանքի ճանապարհը ու կհեռացվի, նրան կգա փոխարինելու Արամ Սարգսյանը և ամեն գնով կփորձի բացել հանքը, անգամ բռնության ճանապարհով»։
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...