«Ինձ չէին տեղեկացրել, որ պետք է ելույթ ունենամ». ՍԴ դատավորի թեկնածությունը հաստատվեց կառավարության նիստում
Կառավարությունն իր այսօրվա՝ հուլիսի 23-ի նիստում որոշում կայացրեց Սահմանադրական դատարանի դատավորի պաշտոնում առաջադրել Վահրամ Ավետիսյանի թեկնածությունը:
Գործադիրի նիստում Ավետիսյանն ասաց՝ եթե ինքն ընտրվի ՍԴ դատավոր, առավելագույնս կապահովի ՍԴ դատավորի անկախությունը, ապաքաղաքական լինելը, անաչառությունը, կապահովի ժողովրդավարության ամրապնդման և զարգացման գործում ՍԴ-ի դերակատարությունը. «Մենք գիտենք, որ ժողովրդավարությունը, ժողովրդավարական արժեքները կարծրացած կայուն արժեքներ չեն, հասարակության զարգացման հետ մեկտեղ ժողովրդավարության եւ ժողովրդավարական արժեքների նկատմամբ մոտեցումները ապրում են էվոլյուցիա եւ ենթադրում են, որ ՍԴ-ն, հիմքում ունենալով անհատի հիմնարար իրավունքներն ու ազատությունները, պետք է գործի այդ տրամաբանությանը զուգահեռ եւ արդյունավետ կերպով ապահովի օրենսդիր, գործադիր եւ դատական իշխանությունների ներդաշնակ գործունեության ապահովումը, նորմատիվ ակտերի սահմանադրականության որոշման ադյունավետ գործընթացը:
Քանի որ ես չէի տեղեկացել, որ պետք է ելույթ ունենամ, կփորձեմ հարցերի ձեւով ներկայացնել իմ մոտեցումները կոնկրետ երևույթների նկատմամբ»:
Ավետիսյանն ասաց, որ ինքն իր մոտեցումներն ավելի մանրամասն կներկայացնի ԱԺ-ում:
Նա վարչապետի առաջարկով ներկայացրեց իր աշխատանքային գործունեություն, կենսագրությունը: Նա նշեց, որ դատախազությունում եղել է ավագ քննիչ, թեկնածության ատենախոսություն է պաշտպանել Ռուսաստանում, 2002 թվականից դասավանդում է ԵՊՀ-ում, հիմա զբաղեցնում է Քաղաքացիական իրավունքի ամբիոնի վարիչի պաշտոնը, զուգահեռ զբաղվել է նաև մասնավոր պրակտիկայով:
«Կարծում եմ, որ ունեմ անհրաժեշտ մասնագիտական գիտելիքներ, կենսափորձ եւ անհրաժեշտ սկզբունքայնություն, որ կարողանամ պատշաճ ձեւով իրականացնել ՍԴ դատավորի պարտականությունները»,-ասաց թեկնածուն:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...