Ադրբեջանը պատրաստ չէ կառուցողական երկխոսության, պատրաստ չէ կարգավորման. Աննա Կարապետյան
Ադրբեջանն այսօր ամենասկզբունքային հարցերում հայտնում է ռադիկալ դիրքորոշում, որը ցույց է տալիս, որ այսօրվա Ադրբեջանը պատրաստ չէ կառուցողական երկխոսության, պատրաստ չէ կարգավորման: Այս մասին tert.am-ի հետ զրույցում ասել է «Հայացք» վերլուծական կենտրոնի տնօրեն Աննա Կարապետյանը՝ անդրադառնալով Ադրբեջանի նախագահի հայտարարություններին:
«Ադրբեջանը փորձում է մեծացնել ճնշումը Հայաստանի և միջնորդների վրա՝ հասնելու իր երազած սուբստանտիվ բանակցություններին: Բաքվում զգում են, որ միջնորդների համար այս մոտեցումն աստիճանաբար ավելի ընկալելի է դառնում, այդ մասին են վկայում նաև ԵԱՀԿ ՄԽ համանախագահների վերջին հայտարարությունները: Իսկ հայկական կողմերը զերծ են մնում այս հարցի շուրջ հստակ դիրքորոշում հայտնելուց, հակադրվելուց: Մեզ համար անընդունելի է սուբստանտիվ բանակցությունների ֆորմատը, և դրա մասին պետք է հստակ խոսել»,- ասել է նա:
«Ադրբեջանի նախագահը խոսում է վերջնագրային լեզվով, կարգավորման կարևորագույն բաղադրիչների վերաբերյալ անընդունելի կոշտ ձևակերպումներ է անում, համանախագահներին պահանջներ է առաջադրում և սպառնում չբանակցել: Ավելին՝ Ալիևը շարունակում է Հայաստանի ներքաղաքական գործընթացների վերաբերյալ էթիկան խախտող հայտարարություններով հանդես գալ: Սա ավելին է, քան ուղղակի ապակառուցողական պահվածք բանակցություններում, և պատշաճ արձագանք է պահանջում ինչպես Հայաստանից, այնպես էլ միջնորդներից ու միջազգային հանրությունից»,- նշել է Կարապետյանը:
Քաղաքագետի կարծիքով` սա շարունակաբար աճող գործընթաց է: «Ադրբեջանն այսօր իրեն առավել քան երբևէ ամուր է զգում բանակցություններում, ինչի պատճառը, առաջին հերթին, Հայաստանի իշխանությունների անհետևողական, չմտածված հայտարարություններն ու գործողություններն են, միջնորդների հետ ոչ ճիշտ կառուցվող աշխատանքը»,- նշել է նա:
«Այս ամենի համատեքստում էլ ավելի անհասկանալի է հնչում նախօրեին Արցախում Հայաստանի արտգործնախարարի արած հայտարարությունը երեք կողմերի համար ընդունելի լուծում գտնելու անհրաժեշտության վերաբերյալ: Վաղուց արդեն ժամանակն էր հասկանալու, որ այսօր Ադրբեջանի կողմից առաջ մղվող թեզերի պարագայում հնարավոր չէ խոսել երեք կողմերի համար ընդունելի լուծման մասին (եթե անգամ մի կողմ թողնենք վարչապետ Փաշինյանի այդ թեզի բոլոր խնդիրները, օրինակ՝ Արցախի ժողովրդի ինքնորոշման իրավունքն Ադրբեջանի կամքից կախվածության մեջ դնելը): Առնվազն, դա անողը չպետք է լինեն Հայաստանը կամ Արցախը: Հարկավոր է խոսել մեզ համար ընդունելի լուծման մասին, պնդել դրա վրա»,- ասել է Կարապետյանը՝ զարմանք հայտնելով, որ Զոհրաբ Մնացականյանը նույնպես սկսել է կիրառել վարչապետ Փաշինյանի այդ թեզը, որի խնդրահարույց լինելու մասին բազմիցս խոսվել է:
Աննա Կարապետյանի դիտարկմամբ` ադրբեջանական կողմը, լուրջ հակազդեցության չհանդիպելով, աստիճանաբար ավելի ու ավելի է կոշտացնում իր հռետորաբանությունը, և այդ պայմաններում իբրև թե կառուցողական երևալու համար հորինված թեզերով առաջ շարժվելը ոչ միայն անարդյունավետ է, այլև կարող է անվտանգային խնդիրներ ստեղծող դառնալ:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...
Արհեստների միջազգային 5-րդ փառատոնն այս տարի կանցկացվի Մեղրիում
Ավտոմեքենան Աղավնավանք բնակավայրի կամրջից ընկել է գետը