Մեր քաղաքական օրակարգում է ադրբեջանական զինուժի օկուպացրած, մոտ 1000 քառակուսի կմ տարածքի վերադարձման հարցը. ԱՀ նախագահ
Հակառակորդի կողմից Արցախի Հանրապետության խաղաղ բնակչության, նրա տարածքային ամբողջականության նկատմամբ ցանկացած ոտնձգության փորձ արժանանալու է մեր զինված ուժերի հուժկու և ջախջախիչ հարվածին: Այսօր այդպիսի ցուցում տվեցի Պաշտպանության բանակի հրամկազմին, երբ այցելել էի «Տիգրանակերտ» զորավարժարան՝ հետևելու ՊԲ տարբեր զորամասերի ընդգրկմամբ անցկացվող մարտավարական զորավարժության մարտական հրաձգության փուլին:
Այս մասին ֆեյսբուքի իր էջում գրել է Արցախի Հանրապետության նախագահ Արայիկ Հարությունյանը՝ կից հրապարակելով տեսանյութ:
«Որպես նախ և առաջ հաղթանակած բանակի զինվոր ու գերագույն գլխավոր հրամանատար՝ ուզում եմ Ադրբեջանի ռազմաքաղաքական ղեկավարությանը հիշեցնել, որ մեր քաղաքական օրակարգում է գտնվում ադրբեջանական զինուժի կողմից օկուպացված, ԱՀ Սահմանադրությամբ ամրագրված մոտ 1000 քառակուսի կմ տարածքի վերադարձման հարցը:
Արցախի Հանրապետության և ողջ հայության հետ ուժի լեզվով խոսելու բոլոր փորձերը ունեցել են անփառունակ վախճան, և հնարավոր նոր սադրանքները ևս հակառակորդի համար ունենալու են միայն անդառնալի հետևանքներ: Այդ խնդիրը լիարժեք իրականացնելու հարցում այսօր մեկ անգամ ևս համոզվեցի՝ տեսնելով մեր բանակի պատրաստվածության աստիճանն ու ցուցադրած արդյունքները: Նոր պատերազմը տարածաշրջանում հանգեցնելու է հումանիտար մեծ աղետի, իսկ դրա ամբողջ պատասխանատվությունը կրելու են Ադրբեջանի իշխանությունները»,-գրել է Արցախի նախագահը:
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Եվրամիությունը չի հասկանում Իրանում պատերազմի նպատակները. Կալաս
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով