Համբերությունը սպառվել է. մասնագիտական խմբերը սկսել են պատասխանել անգամ անորոշ ու անհասցե մեղադրանքներին
«Հրապարակը» գրում է. «Անորոշ ու անհասցե մեղադրանքներին, որպես կանոն, պատասխանողներ գրեթե չեն լինում: Ո՞վ հավես ունի մտնել բանավեճի մեջ և թիրախ դառնալ, երբ մեղադրանքն ու հայհոյանքն անվանական չեն հնչել: Մանավանդ, եթե դիմացդ, ոչ ավել, ոչ պակաս, վարչապետ է կանգնած:
Նա կարող է հայհոյել դատավորներին, առանց անուններ նշելու, քաղաքական ուժերին` առանց մասնավորեցնելու, նախկին իշխանություններին անվանել թալանչի ու գող, բայց կրկին անուններ չհնչեցնել և մնալ անպատասխան: Մանավանդ այս երկու տարվա մեջ նրան մի քանի անգամ դատի են տվել, երբ կոնկրետ մարդկանց անուններ է հնչեցրել, և նա ստիպված է եղել նահանջել իր ասածներից, ինչպես եղավ Քոչարյանի հասցեին արված հայտարարության առումով, ուստի հիմա խոսում է բացառապես անորոշ` մասնագիտական խմբերին ու խավերին ուղղելով իր լուտանքները:
Բայց վերջին օրերին 2 հայտարարություն ստիպեց ինձ մտածել, որ այդ մասնագիտական խմբերի համբերությունն էլ է սկսում սպառվել, և նրանք սկսում են ընդվզել անգամ այն դեպքում, երբ կոնկրետ անձանց անուն չի տրվում: Մեկը քննիչ-դատախազների հայտարարությունն էր` ԲԴԽ նախագահի դեմ, ով եթերում վիրավորել էր նրանց` ոչ այնքան գրագետ անվանելով:
Վերջիններս պատասխան հայտարարությամբ հանդես եկան` պաշտպանելով իրենց համքարության պատիվը: Եվ երեկ ԵՊՀ գիտխորհրդի հայտարարությունն էր` ի պատասխան իշխանական պատգամավոր Լուսինե Բադալյանի` ԱԺ ամբիոնից հնչեցրած հայտարարությունների, որոնցով նա վիրավորել էր դասախոսներին` կոչ անելով նախարարին` «մաղել» նրանց, քանի որ դասախոսները վերահսկողությունից դուրս են մնացել, և ոմանք «պայմանավորվում են 500 դոլարով պարապելու և քննությունների ժամանակ գնահատական նշանակելու մասին»: ԵՊՀ-ն Լուլուին «կուլտուրական» ձևով իր տեղն էր ցույց տվել»,-գրում է թերթը։
Մանրամասները՝ թերթի այսօրվա համարում:
Վթարային ջրանջատում Երևանի Էրեբունի վարչական շրջանում
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...
Արհեստների միջազգային 5-րդ փառատոնն այս տարի կանցկացվի Մեղրիում
Ավտոմեքենան Աղավնավանք բնակավայրի կամրջից ընկել է գետը