Որոշել եմ դատի տալ «Տեսարան» ռեստորանի ավագ բարմենին
ԱԺ ԲՀԿ-ական պատգամավոր Նաիրա Զոհրաբյանը գրել է․
«Դուք կոմիքսների հավաքածու եք, տղաներ ու աղջիկներ
Անկեղծ ասած, չեմ սիրում մանր բաներով զբաղվել, բայց որոշել եմ դատի տալ «Տեսարան» ռեստորանի ավագ բարմեն, ոմն Գուրամ Վաշակիձե-Բենկլյանցին։ Ուրեմն, այս տղան ԲՀԿ-ի վրա սկսված քաղաքական արշավի արանքներն է ընկել, բնականաբար, պետական պատվերի շրջանակում եւ այս պահը խնդրում եմ ուշադիր՝ հայտարարում է, որ ես Երեւանի ավագանու ընտրության քարոզարշավի ժամանակ «Տեսարան» ռեստորանում մեկ միլիոն դրամի հաշիվ եմ փակել եւ 10-հազարական գումար տվել ինձ հետ շրջող երիտասադների, որ վանկարկեն իմ անունը։ Այո, այո, մեկ միլիոն դրամ՝ լանչի համար։
Մինչ դատական հայցիս անդրադառնալը, մի փոքրիկ «սպռավոչկա». Գուրամին պետպատվեր իջեցրած իշխանության տարբեր ներկայացուցիչներ, ես հասկանում եմ, որ բազմաթիվ օբյեկտիվ եւ սուբյեկտիվ պատճառներով կնոջ մասին ձեր պատկերացումները մեծապես խեղաթյուրված են եւ ձեր իմացած, տեսած ու ճանաչած կանայք կարող են ռեստորաններում տղամարդկանց փոխարեն հաշիվ փակել։ Ավելին, ձեր իմացած կանայք ուրիշ շատ բաներ էլ կարող են անել, բայց ես ռեստորաններում տղամարդկանց փոխարեն հաշիվներ չեմ փակում. սա մեկ։ Երկրորդ, եթե անգամ ընդմիջում ենք արել ավագ բարմենի նշյալ ռեստորանում, ապա մեկ միլիոն դրամը անհեթեթագույն թիվ է, որովհետեւ, որքան հիշում եմ, իսկ իմ հիշողությունը հրաշալի է, այդ ընթացքում մենք որեւէ մեկի բանակի քեֆը կամ հարսանիքը չենք արել։
Այսպիսով, այս պահին իմ փաստաբանները նախապատրաստում են քաղաքացիական դատարան դատական հայցը եւ ավագ բարմենին հորդորում եմ արդեն սկսել հավաքել այն 2 միլիոն դրամը, որը ես պահանջելու եմ որպես բարոյական փոխհատուցում՝ իր արած երկու զրպարտության համար՝ որ ես մեկ միլիոն դրամի հաշվի եմ փակել, եւ որ ես 10-հազարական դրամ եմ տվել՝ իր անունը վանկարկելու համար։
Նշեմ նաեւ, որ երկու միլիոն դրամը փոխացնելու եմ COVID -19 հիմնադրամին՝ համաճարակի դեմ տապալված պայքարը ինչ-որ կերպ փրկելու համար։
Հ.Գ. Հա, ասեմ նաեւ, որ որպես բարի կամքի դրսեւորում, սույն ավագ բարմենի համար նվեր եմ պատրաստել՝ հայերենի ուղղագրական բառարան, քանզի վերջինս մեկ նախադասության մեջ արել է մի քանի ուղղագրական եւ կետադրական սխալ։ Ես, իհարկե, չեմ բացառում, որ նրան հատուկ հենց նման անգրագետ տեքստ են ուղարկել, որպեսզի ասեն, դե, մենք ի՞նչ կապ ունենք՝ ժողովրդի ձայնն է, իսկ շարքային ժողովուրդը կարող է «ոգեւորվածություն» բառը գրել այնպես, ինչպես գրել է մեր բարեկամ ավագ բարմենը՝ «ոգեվորվացություն», բայց, ուղղագրական բառարանն արդեն գնել եմ։
Առողջ եղեք»։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...