Հետապնդումների հերթական փորձ՝ անկախ, անկաշկանդ, օրենքով շարժվող դատավորի նկատմամբ
ՀՀ վերաքննիչ քրեական դատարանի դատավոր Ալեքսանդր Ազարյանի վարկանիշը չի ձեւավորվում նրա նկատմամբ կարգապահական վարույթներով, այլ տասնամյակից ավել իր կողմից կայացված դատական ակտերով։ Այս մասին այսօր՝ հունիսի 18-ին, լրագրողների հետ զրույցում ասաց փաստաբան Երվանդ Վարոսյանը։
Նշենք, որ այսօր ԲԴԽ-ն քննում է դատավոր Ազարյանին կարգապահական պատասխանատվության ենթարկելու վերաբերյալ Արդարադատության նախարար Ռուստամ Բադասյանի միջնորդությունը։
«Վերաբերում եմ որպես հետապնդումների հերթական փորձ անկախ, անկաշկանդ, օրենքով շարժվող դատավորի նկատմամբ»,- ասաց փաստաբանը։
Հարցին՝ ըստ իրեն, «5-րդ ալիքի» սեփականատեր Արմեն Թավադյանի գործով դատական նիստին Ազարյանը կողմնակալություն ցուցաբերե՞լ է, փաստաբանն ասաց. «Ես կարծում եմ, որ ոչ, ծանոթ եմ հնչած արտահայտությանը, սովորական գնահատական է, ոչ մի վիրավորանք էլ իր մեջ չի պարունակում եւ կողմնակալության մասին վկայություն լինել չի կարող։ Դա գնահատական է պետական պաշտոնյայի կողմից` տրված օրինական ուժի մեջ մտած դատական ակտին։ Այստեղ քննարկելու որեւէ բան չկա։ Ասեմ ավելին՝ այսքան, ինչքան որ հետեւեցինք այս նիստի ընթացքին, էդ համոզված եմ, որ կարճվելու է կարգապահական վարույթը մի քանի պատճառներով։ Նախ, որ չիա ինքնին խախտումը, բացի այդ ակնհայտ դարձավ, որ Արդարադատության նախարարը արտատպել է ՀՔԾ պետի գրությունը՝ առանց ուսումնասիրելու նյութերը, բացի այդ նա միջնորդության փուլում ավելացրել է ինչ-որ խախտումներ։ Այսինքն հարուցվել է բոլորովին այլ փաստով, հետո ավելացվել են խախտումներ, բերվել է ԲԴԽ։ Նման բան ուղղակի լինել չի կարող եւ սրա ընթացքը ուղղակի բացառում եմ»։
Լրագրողը նշեց, որ դատավորը Ազարյանն ամենաբարձր վարկանիշն ունի, եւ հարցին՝ արդյոք գործը կարո՞ղ է ազդեցություն ունենալ իր վարկանիշի վրա, Վարոսյանն ասաց.
«Նրա վարկանիծը չի ձեւավորվում նրա նկատմամբ կարգապահական վարույթներով, այլ տասնամյակից ավել իր կողմից կայացված դատական ակտերով։ Դա է պատճառը, որ փաստաբանները մշտապես, տարիներ շարունակ նա ունեցել է այն վարկանիշը, որը ունեցել է։ Պատահական չէ, որ այսօր ԲԴԽ նիստերի դահլիճում եւ շենքի դիմաց հավաքված էին բազմաթիվ փաստաբաններ։ Եթե Ալեքսանդր Ազարյանի նման դատավորները չլինեն դատական համակարգում, մենք՝ փաստաբաններս ուղղակի անելիք չունենք»։
Վթարային ջրանջատում Երևանի Էրեբունի վարչական շրջանում
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...
Արհեստների միջազգային 5-րդ փառատոնն այս տարի կանցկացվի Մեղրիում
Ավտոմեքենան Աղավնավանք բնակավայրի կամրջից ընկել է գետը