Ադրբեջանի ժողովուրդ ասելով՝ Փաշինյանը նկատի ունի այդտեղ բնակվող տարբեր ազգերի ներկայացուցիչներին. Թովմասյան
Արցախի Հանրապետության Ազգային ժողովի նախագահ Արթուր Թովմասյանն այսօր ֆեյսբուքյան իր պաշտոնական էջում գրառում է կատարել Հայաստանի խորհրդարանում տեղի ունեցած օրենսդիր -գործադիր հարցուպատասխանի ժամանակ վարչապետ Նիկոլ Փաշինյանի՝ Ադրբեջանի իշխանությունների արկածախնդիր ռազմական հռետորաբանության անդրադարձի կապակցությամբ:
Գրառման մեջ ասվում է.
«Սիրելի հայրենակիցներ
Երեկ Հայաստանի խորհրդարանում տեղի ունեցած օրենսդիր -գործադիր հարցուպատասխանի ժամանակ վարչապետ Նիկոլ Փաշինյանն, իր խոսքում անդրադառնալով Ադրբեջանի իշխանությունների արկածախնդիր ռազմական հռետորաբանությանը, նշել է, որ այդ երկրի իշխանությունները սեփական ժողովրդին սնուցում են հաղթական պատերազմի մասին տեսլականներով՝ հավելելով, որ բովանդակային առումով պաշտոնական Բաքուն չի կարող ոչինչ պարտադրել Հայաստանին և Արցախին։
Ոչ վաղ անցյալում Հայաստանի Վարչապետը հայտարարել էր, որ եթե Ադրբեջանի իշխանությունները շարունակեն հրաժարվել երկխոսությունից, արդեն Ադրբեջանի ժողովրդի հետ նա կխոսի։
Հարցուպատասխանի ժամանակ Նիկոլ Փաշինյանը հիշեցրեց իր այդ մտադրության մասին։
Ադրբեջանի ժողովուրդ ասելով, ակնհայտ է, որ Վարչապետը նկատի ունի այդ երկրում բնակվող տարբեր ազգերի ներկայացուցիչներին՝ լեզգիներ, թալիշներ, թաթարներ, ավարներ, քրդեր և այլն։ Ի դեպ, վերջիններս արդեն իսկ ուծացման եզրին են և հաճախ գրվում են որպես ադրբեջանցիներ։
Ադրբեջանում ապրող վերոհիշյալ ազգերի ներկայացուցիչները բազմաթիվ խնդիրներ ունեն գործող իշխանությունների հետ, նրանց ընդվզումը կործանարար հետևանքներով կանդրադառնա Ադրբեջան կոչվող պետության վրա։ Գիտակցո՞ւմ է պաշտոնական Բաքուն այս իրականությունը, մնում է միայն ենթադրել»։
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Եվրամիությունը չի հասկանում Իրանում պատերազմի նպատակները. Կալաս
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով