Էրիկ Գրիգորյանն աշխատանքից ազատվելիս մեկ ամսվա համար ստացել է մոտ 6 միլիոն ՀՀ դրամ աշխատավարձ

Շրջակա միջավայրի նախկին նախարար Էրիկ Գրիգորյանն աշխատանքից ազատվելիս վերջնահաշվարկի արդյունքում 2020 թվականի մայիս ամսին ստացել է 6 միլիոն 60 հազար ՀՀ դրամ աշխատավարձ: Այս մասին ի պատասխան Analitik.am-ի հարցմանը հայտնեցին ՀՀ Շրջակա միջավայրի նախարարությունից:

Մարտ ամսին Էրիկ Գրիգորյանի աշխատավարձը կազմել է մոտ 603 000 ՀՀ դրամ, ստացել է նաև պարգևավճար՝ մոտ 910 000 ՀՀ դրամի չափով: Ապրիլ ամսին Էրիկ Գրիգորյանը ստացել է մոտ 589 000 ՀՀ դրամ աշխատավարձ, պարգևավճար չի ստացել:

Շրջակա միջավայրի նախարարի առաջին տեղակալը մայիս ամսին ստացել է մոտ 502 000 ՀՀ դրամ աշխատավարձ և մոտ 587 000 ՀՀ դրամ պարգևավճար:

Նախարարի տեղակալները մարտ ամսին ստացել են մոտ 427 000 ՀՀ դրամ աշխատավարձ և մոտ 648 000 ՀՀ դրամ պարգևավճար: Ապրիլ ամսին ստացել են մոտ 413 000 ՀՀ դրամ աշխատավարձ, պարգևավճար չեն ստացել, մայիսին՝ մոտ 427 000 ՀՀ դրամ աշխատավարձ և մոտ 648 000 ՀՀ դրամ պարգևավճար:

Շրջակա միջավայրի նախարարության աշխատակիցները 2020 թվականի մարտ ամսին ստացել են մոտ 36 միլիոն ՀՀ դրամ աշխատավարձ և մոտ 11 միլիոն ՀՀ դրամ պարգևավճար, ապրիլ ամսին՝ մոտ 36 միլիոն ՀՀ դրամ աշխատավարձ, պարգևավճար չեն ստացել, մայիս ամսին՝ մոտ 36 միլիոն ՀՀ դրամ աշխատավարձ և մոտ 10 միլիոն ՀՀ դրամ պարգևավճար:

Նշենք, որ Էրիկ Գրիգորյանը հայտնի սորոսական Մարիաննա Գրիգորյանի եղբայրն է: Մարիաննա Գրիգորյանի Medialab.am կայքը պարբերաբար անդրադառնում և քննադատում է կոռուպցիան: