Հայաստանը պահպանում է տարածաշրջանում «առաջատարի» դիրքը 1 մլն շնչի հաշվով կորոնավիրուսով վարակման ցուցանիշով

Ինչպես վկայում են worldometers.info կայքի պարբերաբար թարմացվող տվյալները, մեր երկիրն այս ցուցանիշով, որը հունիսի 13-ին կազմել է 5401, բավականին հետ է թողնում հարևան երկրներին:

Տարածաշրջանում վարակման ցուցանիշը 1 մլն բնակչի հաշվով հետևյալ տեսքն ունի.

1. Հայաստան - 5401

2. Ռուսաստան - 3564

3. Իրան - 2204

4. Թուրքիա - 2096

5. Ադրբեջան - 944

6. Վրաստան – 213

1 մլն շնչի հաշվով կորոնավիրուսային հիվանդությունից մահացության ցուցանիշով (89) Հայաստանը տարածաշրջանում դարձյալ երկրորդն է Իրանից (104) հետո:

Երրորդ տեղում Թուրքիան է (57), որին հաջորդում են ՌԴ-ն (47), Ադրբեջանը (11) և Վրաստանը (3):

Հիշեցնենք, որ հունիսի 13-ին Հայաստանում հաստատվել է կորոնավիրուսով վարակվելու ռեկորդային 723, մահվան՝ 11 նոր դեպք․ վարակվածների ընդհանուր թիվը 16 004 է, մահվան դեպքերինը՝ 355:

Ողջ աշխարհում կորոնավիրուսով վարակվել է ավելի քան 7.8 մլն մարդ, մահացել՝ ավելի քան 430 հազարը: