Ինչպե՞ս ազատվել գիշերն ուտելու սովորույթից
Շատերն են վարժվել ուշ երեկոյան ընթրելուն կամ քնելուց առաջ պաղպաղակ կամ ընկուզեղեն ուտելուն, որոնք իրականում մեծ քանակությամբ կալորիաներ են պարունակում եւ նպաստում են ավելորդ քաշ հավաքելուն: Ինչպե՞ս կարելի է ազատվել այդ սովորույթից:
Հարվարդի եւ Օրեգոնի համալսարանների գիտնականների համատեղ հետազոտությունը ցույց է տվել, որ ցիրկադային ռիթմը մարդկանց ստիպում է օրվա ուշ ժամերին քաղցր, աղի եւ օսլայով հագեցած սնունդ ուտել: Հավանաբար, դա մեր նախնիներին օգնել է գոյատեւել, երբ քիչ սնունդ է եղել: Սակայն հիմա գիշերային ժամերին ուտելու սովորույթը վնասում է մեր կազմվածքին եւ առողջությանը:
Մասնագետների խոսքով՝ գիշերը չուտելու համար հարկավոր է առավոտյան անպայման նախաճաշել: Հետազոտության ընթացքում գիտնականները պարզել են, որ այն մարդիկ, ովքեր առավոտյան նախաճաշում են, հազվադեպ են ավելորդ քաշ ունենում եւ շատ չեն ուտում օրվա ընթացքում:
Բացի այդ՝ օրվա ընթացքում հարկավոր է բավականաչափ սպիտակուց եւ մանրաթելեր օգտագործել, իսկ ընթրիքը պետք է հավասարակշռված լինի, ոչ շատ վաղ եւ ոչ շատ ուշ:
Գիտնականները նաեւ նշում են, որ երեկոյան պետք չէ շատ ժամանակ անցկացնել հեռուստացույցի առջեւ կամ պլանշետն ու սմարթֆոնը ձեռքին, քանի որ դրանք նույնպես սերտորեն կապված են չափից շատ ուտելու հետ:
Բացի այդ, եթե ուզում եք ազատվել ուշ ժամերին ուտելու սովորույթից եւ նիհարել, մասնագետները խորհուրդ են տալիս սնվելու օրագիր պահել՝ դրանում գրառելով կերածն ու զգացմունքները: Եթե գիշերային ժամերին ուտելը կապված է սթրեսի կամ ձանձրույթի հետ, պետք է դրանց դեմ պայքարելու այլ միջոց ընտրել:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...
Արհեստների միջազգային 5-րդ փառատոնն այս տարի կանցկացվի Մեղրիում