Ոչ պետական բժշկական համալսարանի ռեկտորը հայտնվել է դատարանում. կեղծ փաստաթղթեր է տրամադրել
Մասնավոր համալսարանի ռեկտորի կողմից կեղծ փաստաթղթեր տալու հերթական գործն է ուղարկվել դատարան:
Ըստ մեղադրական եզրակացության՝ Սուրբ Թերեզայի անվան բժշկական համալսարանի ռեկտոր Լարիսա Համբարձումյանը 2015 եւ 216 թվականներին մի շարք շրջանավարտների հետ առանց ուսման վերաբերյալ պայմանագրեր կազմելու, հրահանգել է համալսարանի դեկաններին նշված ուսանողների կողմից դասընթացներին և ընթացիկ քննություններին բացակայությունները չնշել մատյաններում: Այդ պայմաններում Լարիսա Համբարձումյանը թույլատրել է նշված ուսանողներին մասնակցել պետական ավարտական քննություններին և դրանք հանձնելուց հետո տրամադրել է պետական նմուշի ավարտական դիպլոմներ:
Լարիսա Համբարձումյանին մեղադրանք է առաջադրվել Քրեական օրենսգրքի 214-րդ հոդվածի 1-ին մասի հատկանիշներով՝ առևտրային կամ այլ կազմակերպությունների ծառայողների կողմից իրենց կարգադրիչ կամ այլ լիազորություններն այդ կազմակերպության շահերին հակառակ և իր կամ ուրիշ անձանց օգտին օգտագործելու կամ առավելություններ ձեռք բերելու կամ այլ անձանց վնաս պատճառելու նպատակով օգտագործելը, եթե անձանց, կազմակերպությունների կամ պետության իրավունքներին ու օրինական շահերին էական վնաս է պատճառվել: Խափանման միջոց է ընտրվել ստորագրությունը չհեռանալու մասին:
Նշենք, որ սա առաջին դեպքը չէ այս տարվա ընթացքում, որ ռեկտորին նման մեղադրանք է առաջադրվում: Երկու ռեկտոր արդեն իսկ դատարանի որոշմամբ տուգանվել է:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Երեւանում եւս ժամանակ առ ժամանակ սպասվում է անձրեւ եւ ամպրոպ
Ռուսական գազի գինը Հայաստանի համար չի կարող թանկանալ
ՃՏՊ Երեւանի կենտրոնում` մահվան դեպքով
Բելգիայում բացվել է առաջին Թումո կենտրոնը
Ռոնալդինյոն ժամանել է Հայաստան
Պատերազմում շրջադարձային պահ է, հայտարարել է Ուկրաինայի ԱԳ նախարարը
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Հանրապետության օրվան նվիրված միջոցառումների շրջանակում երթևեկության սահմանափակումներ կլինեն