Ուժային կառույցներում նոր նշանակումների պատճառը վարչապետի անվստահությունը և կասկածամտությունն է
Ուժային կառույցներն իրենց էությամբ պետք է լինեն պահպանողական, և կադրային հաճախակի փոփոխությունները միայն թուլացնում են այդ համակարգերը: Այդ համակարգերում նման անկայությունն անթույլատրելի է և շատ վտանգավոր: Այս մասին Tert.am-ի հետ զրույցում ասաց փաստաբան Տիգրան Աթանեսյանը՝ անդրադառնալով ՀՀ վարչապետ Նիկոլ Փաշինյանի՝ այսօր կայացրած որոշմանը, համաձայն որի՝ գեներալ-լեյտենանտ Օնիկ Գասպարյանը նշանակվում է ԶՈւ Գլխավոր շտաբի պետ, գնդապետ Արգիշտի Քյարամյանը՝ ԱԱԾ տնօրեն, գնդապետ Վահե Ղազարյանը՝ Ոստիկանության պետ:
«Կարծում եմ՝ նման փոփոխությունների պատճառը վարչապետի ներքին անվստահությունն է սեփական ուժերի հանդեպ կամ չափից ավել պահանջները, որ դրվում են ուժային կառույցների առջև, որոնք անհնար է կատարել: Այստեղից գալիս է անվստահությունը ցանկացած անձի նկատմամբ, ով զբաղեցնելու է այդ պաշտոնը: Այնպես չէ, որ նախորդներն անվստահելի էին կամ ուրիշին էին ծառայում, ոչ, իրենց աշխատանքն էին կատարում, ուղղակի, կարծում եմ, անհնար է եղել կատարել որոշակի հանձնարարություններ: Սրանից էլ առաջանում է կասկածամտություն, որին հետևում է այս կադրային ջարդը, որը շատ լուրջ հետևանքներ է ունենալու այդ համակարգերի համար»,-ասաց Աթանեսյանը:
Նրա խոսքով՝ այդ համակարգերը չեն ընդունում առաջին դեմքերի՝ մեկ-երկու տարվա մեջ փոփոխությունները և պետք է լինեն պահպանողական և կայուն: «Ցանկացած ռեֆորմ, ցանկացած նոր մոտեցում, ղեկավարման ձև ժամանակ են պահանջում, որպեսզի կյանքում տեղ գտնեն, իսկ այս դեպքում ստացվում է, որ այդ համակարգերն ուղղակի ինքնահոսի են թողնված, մինչդեռ դրանք հստակ հրամանատարություն պահանջող համակարգեր են: Ես չեմ գտնում, որ ինչ-որ անարժան մարդիկ էին այդ պաշտոնները զբաղեցնում, հիմա արժանավորները եկան»,-ասաց փաստաբանը՝ նշելով, թե այնքան քիչ տրամաբանություն է տեսնում այս որոշումների մեջ, որ դժվար է հասկանալ՝ ինչու այդ փոփոխությունները կայացան մեկ օրում.
«Դա արդեն էական էլ չէ: Փոփոխությունների փաստն իրենով արդեն իսկ շատ վատ է: Այս ամենը կատարվում է անվստահության և կասկածամտության պատճառով»,-նշեց նա:
Հարցին՝ ուժային կառույցներում կտրուկ փոփոխությունները անվտանգային առումով ինչպիսի՞ խնդիրներ կարող են առաջացնել, և արդյո՞ք Փաշինյանը դրանք չի դիտարկել, Աթանեսյանն արձագանքեց, թե վարչապետի կառավարչական հմտություններն ամբողջովին երևացին կորոնավիրուսի դեմ պայքարում. «Մեր վարչապետը կառավարիչ չէ, նա ընդդիմադիր գործիչ է, կառավարելը չի ստացվում և չի ստացվելու, հետևաբար նման վարչապետի պայմաններում մենք կունենանք անկայուն ուժային համակարգեր: Նման քայլեր արվում են ծայրահեղ դեպքերում և լուրջ հիմնավորված ու հասկանալի, ինչն այս պարագայում չկա»,-ասաց նա:
Հարցին՝ արդյո՞ք տեղին էին այս փոփոխությունները՝ կորոնավիրուսով պայմանավորված ճգնաժամային իրավիճակում, Աթանեսյանը պատասխանեց. «Կորոնավիրուսով պայմանավորված ճգնաժամի պատճառը միայն վարչապետն է: Ես համոզված եմ, որ կորոնավիրուսն էլ սարսափելի ճգնաժամային իրավիճակ չի ստեղծում, որքան վարչապետը՝ իր ապիկար կառավարմամբ: Քանի դեռ նա զբաղեցնում է այդ պաշտոնը, ճգնաժամը մշտապես լինելու է»:
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Արհեստների միջազգային 5-րդ փառատոնն այս տարի կանցկացվի Մեղրիում
ԵՄ-ից ավտոմեքենաների մաքսատուրքերի բարձրացումը հետաձգվել է
ԱԺ նախագահի որոշմամբ կգումարվի ԱԺ արտահերթ նիստ
Աշխարհի լավագույն համալսարանների շրջանավարտներին զինծառայության զորակոչից տարկետում կտրվի ՀՀ-ում աշխ...
Երևանի Նոր Արեշ փողոցում տուն է այրվել
Հրդեհից հետո լոգարանում հայտնաբերվել է դի․ ՆԳՆ
Միանձնուհու հանդերձանքը դարձել է հարձակման պատճառ
Կրեմլը պարզաբանում է ակնկալում Երևանից․ Պեսկով
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...