Լավրովն ու Չավուշօղլուն քննարկել են զբոսաշրջությունն ու կորոնավիրուսի դեմ պայքարը

Ռուսաստանի եւ Թուրքիայի արտգործնախարարներ Սերգեյ Լավրովն ու Մեւլութ Չավուշօղլուն հեռախոսային բանակցություններ են անցկացրել, չորեքշաբթի օրը ՏԱՍՍ-ին հայտնել է թուրքական արտաքին քաղաքական գերատեսչությունում աղբյուրը։

«Մեր նախարարը բանակցություններ է անցկացրել Ռուսաստանի ԱԳՆ ղեկավար Սերգեյ Լավրովի հետ։ Զրույցի ընթացքում քննարկվել են տարածաշրջանային հարցեր, զբոսաշրջության թեման եւ կորոնավիրուսի դեմ պայքարը»,- ասել է գործակալություն զրուցակիցը։

Կորոնավիրուսից առաջացած հիվանդության բռնկումը գրանցվել էր 2019թ․ վերջին՝ կենտրոնական Չինաստանում, եւ հետագայում տարածվել էր աշխարհի երկրների մեծ մասում։ Մարտի 11-ին ԱՀԿ-ն այն համավարակ էր ճանաչել։ Այս ընթացքում կորոնավիրուսով աշխարհում վարակվել է ավելի քան 4,9 մլն մարդ, ավելի քան 320 000 մարդ մահացել է։