Արցախի նորընտիր Ազգային ժողովն իր առաջին նիստը կհրավիրի մայիսի 21-ին

Ղեկավարվելով «Ազգային ժողովի կանոնակարգ» Լեռնային Ղարաբաղի Հանրապետության օրենքի 28-րդ հոդվածի 1-ին մասի դրույթներով՝ 2020 թվականի մայիսի 21-ին ժամը 10:00-ին հրավիրվում է Արցախի Հանրապետության 7-րդ գումարման նորընտիր Ազգային ժողովի առաջին նստաշրջանը:

Այս մասին հաղորդում է Արցախի Ազգային ժողովի մամուլի ծառայությունը:

Այսօր՝ մայիսի 15-ին Արցախի Նորընտիր Ազգային ժողովի պատգամավորները գրանցվել են և վկայականներ ստացել:

Արցախի խորրդարանական ընտրությունները տեղի են ունեցել մարտի 31-ին: 16 մանդատ ստացել է «Ազատ Հայրենիք-ՔՄԴ» կուսակցությունների դաշինքը, 9 մանդատ՝ «Միասնական հայրենիք» կուսակցությունը, 3 մանդատ Արցախի «Արդարություն» կուսակցությունը, 3 մանդատ ՀՅԴ-ն եւ 2 մանդատ Արցախի Ժողովրդավարական Կուսակցությունը:

«Ազատ Հայրենիք-ՔՄԴ» կուսակցությունների դաշինքն արդեն որոշել է, որ ԱԺ նախագահի պաշտոնը կզբաղեցնի Արթուր Թովմասյանը: