ՍԱՏՄ ղեկավարի նախկին տեղակալը դատական հայց է ներկայացրել ընդդեմ վարչապետի

ՍԱՏՄ ղեկավարի՝ աշխատանքից ազատված տեղակալ Էմին Ավետիսյանը նոր հայցադիմում է ներկայացրել վարչական դատարան՝ ընդդեմ վարչապետ Նիկոլ Փաշինյանի, վարչապետի աշխատակազմի՝ պահանջելով առոչինչ ճանաչել իրեն աշխատանքից ազատելու մասին որոշումը։ Այս մասին տեղեկանում ենք Դատական-տեղեկատվական համակարգից։

Հայցվոր կողմը պահանջում է վարչապետի աշխատակազմին պարտավորեցնել նաեւ վերականգնել իրեն զբաղեցրած պաշտոնին, փոխհատուցել հարկադիր պարապուրդի ողջ ժամանակահատվածի համար։

Դատական-տեղեկատվական համակարգում առկա տեղեկատվության համաձայն՝ Վարչական դատարանը՝ նախագահությամբ դատավոր Էդվարդ Նահապետյանի, առաջին հայցադիմումը վերադարձրել է՝ արձանագրելով, որ հայցվորի կողմից մեկ հայցադիմումում ներառվել են տարբեր իրավական պահանջներ, որոնք պետք է դատարան ներկայացնի առանձին հայցերի տեսքով։