Մարդիկ, որ աշխատում էին X գումար, հիմա աշխատում են 5 անգամ քիչ, եւ ասում են՝ լավ, ինչի՞ համար ինձ ճղեմ. Հայկ Մարության

Պետական ապարատում նախկինների դիմադրությունը կարելի է բաժանել մի քանի կատեգորիայի: Այս մասին, այսօր՝ ապրիլի 28-ին, Երեւանի ավագանու նիստում հարցուպատասխանի ժամանակ նշեց Երեւանի քաղաքապետ Հայկ Մարությանը:

«Ամենավատ կատեգորիան հատուկ դիմադրությունն է, որ մարդը հատուկ վատություն է անում: Երկրորդ կատեգորիան, որ ամենավտանգավոր է, քանի որ վիրուսի պես տարածվում է, դա այն է, որ մարդիկ ալարում են աշխատել, չեն ուզում աշխատել: Որ ասում են՝ մեկ է, նույն գումարն եմ ստանալու, ինչի՞ անեմ: Այստեղ պետք է նշեմ մոտիվացիայի կորուստը: Երեւանի քաղաքապետարանը ամենակոռումպացված կառույցներից մեկն էր: Այսօր համակարգային կռուպցիան քաղաքապետարանից իսպառ վերացվել է: Մարդիկ, որ աշխատում էին X գումար, հիմա աշխատում են 5 անգամ քիչ, 10 անգամ քիչ: Եվ մարդիկ ասում են՝ լավ, ինչի՞ համար ինձ ճղեմ:

Երրորդ կատեգորիան միջգերատեսչական պատերազմների կատեգորիան է, երբ ամեն գերատեսչություն վերմակը քաշում է իր վրա»,-ասաց Հայկ Մարությանը

Իսկ հարցին, թե հիմա կա, թե չկա դիմադրություն, քաղաքապետն ասաց. «Առաջին կատեգորիան կա շատ ավելի քիչ, նրանց ժամանմակի ընթացքում հայտնաբերում ու հանում ես: Երկրորդ կատեգորիան հայտնաբերելը շատ ավելի դժվար է»: