Քննարկվում է գործազուրկ քաղաքացիների համար կոմունալ վճարները փոխհատուցելու միջոցառումների փաթեթը
Քննարկվում է միջոցառումների 12-րդ փաթեթը, որը վերաբերում է կոմունալ ծախսերի փոխհատուցմանը: Դրա շահառուները կլինեն գործազուրկ քաղաքացիները: Այս մասին ապրիլի 14-ին լրագրողների հետ հանդիպման ժամանակ հայտարարեց ՀՀ աշխատանքի եւ սոցիալական հարցերի նախարար Զարուհի Բաթոյանը:
Նա հիշեցրեց, որ կորոնավիրուսի տնտեսական հետեւանքները չեզոքացնելու 11-րդ միջոցառումն ապահովում է բնական գազի եւ էլեկտրաէներգիայի սպառման փոխհատուցումը բաժանորդների համար, ում ընթացիկ տարվա փետրվար ամսվա ծախսերը չեն գերազանցել 10 000 դրամը` բնական գազի սպառման համար, իսկ 5000 դրամը` էլեկտրաէներգիայի սպառման համար: «Այս փաթեթը վերաբերում է հիմնականում այն բաժանորդներին, որոնց գործունեությունը ներկայումս սահմանափակված չէ, այսինքն` առողջապահության, կրթության եւ այլ ոլորտների աշխատողներին»,- հավելեց նախարարը:
Զարուհի Բաթոյանը խոստովանեց, որ ձեռնարկված սոցիալ-տնտեսական միջոցառումները բավարար չեն, իսկ արդեն հայտարարվածները պարզապես իրավիճակային աջակցություն են, որոնք ուղղված են հետեւանքների մեղմմանը: «Ապագայում մեզ, ամենայն հավանականությամբ, ավելի բարդ ժամանակներ են սպասվում, ուստի անհրաժեշտ է առանձին միջոցառումներից պետական ծրագրերի անցնել: Ինչ վերաբերում է նրան` երկարաձգվելու են արդյոք միջոցառումների գործող փաթեթները, ապա այս հարցը դեռ քննարկման փուլում է»,- եզրափակեց Բաթոյանը:
Իրանը հարվածներ է հասցրել Բահրեյնում գտնվող ամերիկյան բազային
Թեհրանը հավերժ կմնա Հորմուզի նեղուցի պահապանը․ Արաղչի
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը
Քննարկվել են Հայաստանի ներգրավվածության հնարավորությունները
Ես չեմ ուզում հիմա բանակցել. Թրամփ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Երևանում շատ բարձր մակարդակի են մատուցողներին ներկայացվող պահանջները. Փաշինյան
ՀԷՑ-ը 2 միլիարդի հիմնանորոգում է իրականացնելու