Շիրակում կորոնավիրուսով վարակման 13 դեպք կա, 1 հոգի ապաքինվել է. Շիրակի մարզպետ
Շիրակի մարզում արձանագրվել է կորոնավիրուսով հիվանդի ապաքինման 1 դեպք: Այս մասին այսօր՝ ապրիլի 9–ին, լրագրողների հետ զրույցում ասաց Շիրակի մարզպետ Տիգրան Պետրոսյանը։
«Նա դուրս է գրվել Գյումրիի ինֆեկցիոն հիվանդանոցից: Առաջիկա օրերին եւս սպասում ենք դուրս գրվողների։ 1 բժիշկ ունենք, որը վիրուսով է վարակվել, դեպքը երեկ է հաստատվել։ Ճիշտ է, նա չի աշխատել հիվանդանոցի այն հատվածում, որտեղ բուժում են ստանում վարակակիրները, բայց մեծ հավանականությամբ շփում է ունեցել այնպիսի մարդու հետ, որը մինչև թեստավորում անցնելը բուժօգնության կարիք է ունեցել: Հիմա մեկուսացվել է նրանց շփման շրջանակը»,– ասաց նա։
Մարզպետի խոսքով՝ մարզում վերջին տվյալներով, արձանագրվել է կորոնավիրուսով վարակման 13 դեպք, 2 համայքներում. «Գյումրիում եւ Անի համայնքում են գրանցվել վարակի դեպքեր։ Մահվան 1 դեպք գրանցվել է Անի համայնքում»։
Պետրոսյանի խոսքով՝ կարեւոր է, որ յուրաքանչյուր քաղաքացի բարձր պատասխանատվություն ցուցաբերի, որպեսզի միասին հաղթահարենք ստեղծված իրավիճակը. « Մարզում շարունակվում է վարակակիրների շփման շրջանակի հստակեցումն ու մեկուսացումը: Այս պահին անչափ կարևոր է այդ շրջանակի լոկալիզացումը և ռիսկի շղթայի նվազեցումը»։
Հիշեցնենք, որ վերջին տվյալներով Հայաստանում գրանցվել է կորոնվիրուսով վարակման 921 դեպք, 10 մահ, 138 մարդ ապաքինվել է։
Իրանը հարվածներ է հասցրել Բահրեյնում գտնվող ամերիկյան բազային
Թեհրանը հավերժ կմնա Հորմուզի նեղուցի պահապանը․ Արաղչի
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը
Ես չեմ ուզում հիմա բանակցել. Թրամփ
Երևանում շատ բարձր մակարդակի են մատուցողներին ներկայացվող պահանջները. Փաշինյան
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
ՀԷՑ-ը 2 միլիարդի հիմնանորոգում է իրականացնելու