Երեխաները ռեալ օնլայն դա՞ս են անում, թե՞ հենց այնպես «պտիչկա» դնելու համար է. Փաշինյանը՝ երեւանցի կնոջը
ՀՀ վարչապետ Նիկոլ Փաշինյանն այսօր՝ մարտի 28-ին, ուղիղ եթերում շարունակել է զանգահարել ՀՀ քաղաքացիներին, նա պատահական բջջային հեռախոսահամարի զանգեց 59-ամյա Երեւանի բնակչուհու:
Վերջինս տեղեկացրեց, որ չի աշխատում, օգնում են երեխաները. «Աղջիկս ամուսնացած է, երկու երեխա ունի, օգնում են ինձ: Ես էլ օգնում եմ երեխաներին մանկապարտեզից ու դպրոցից տանել-բերելու հարցում: Իրենք երկուսն էլ պետական աշխատող են: Ես հիմնականում իրենց տանն եմ լինում, միայն ուրբաթ, շաբաթ, կիրակի գալիս եմ իմ տուն»,-ասաց կինը եւ գովեստի խոսքեր շռայլեց վարչապետի հասցեին, որ նա հոգատար վարչապետ է եւ լավ մարդ:
Կինը նշեց, որ թոռները օնլայն դասեր են անում: Վարչապետը հետաքրքրվեց, թե արդյոք դա ռեալ դասեր են, թե՞ հենց այնպես «պտիչկա» դնելու համար են անում, ինչին կինը պատասխանեց. «Չէ, ռեալ դաս է, աղջիկս այդպիսի բաներին շատ է հետեւում: Օնլայն մտնում են, ուսուցիչը դասեր է տալիս, ամբողջ օրը դասեր են պատրաստում, ես էլ եմ ինչ-որ բանով օգնել: Ուսուցիչը հանձնարարել է, որ դասը պատմի, նկարի ու ուղարկի տեսագրությունը: Նույնիսկ մանկապարտեզի դաստիարակն է հանձնարարություններ տվել»:
Նա հավելեց, որ արտակարգ դրության պայմաններում քիչ է տնից դուրս գալիս, խանութներում գները չեն փոխվել. «Մենակ կարողանանք էս վիճակից դուրս գանք: Աշխատում ենք հումորով վերաբերվել, որ կարողանանք ավելի հեշտ հաղթահարել»:
«Իհարկե, դուրս կգանք»,-վստահեցրեց Փաշինյանը:
Նշենք, որ վարչապետը երեկ նույնպես պատահական հեռախոսահամարներով զանգել է քաղաքացիներին: Նա նշել է, որ դա օգնում է խնդիրներն ավելի լավ հասկանալ, տնտեսական, սոցիալական աջակցության փաթեթների ձեւավորման գործում ավելի ճշգրիտ լինելու հարցում:
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
Ես չեմ ուզում հիմա բանակցել. Թրամփ
Թեհրանը հավերժ կմնա Հորմուզի նեղուցի պահապանը․ Արաղչի
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Առաջիկա օրերին սպասվում է փոփոխական եղանակ․ ջերմաստիճանը կնվազի
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը