Գործ ունենք ոչ արհեստավարժ, անհամաչափ ուժ կիրառող, բանդիտական կառույցի հետ

Քաղաքացի Արամ Վարդանյանի (Վստրեչի Ապեր) տան վրա իրականացված ոստիկանական գործուղությունները ցույց տվեցին, որ վերջինիս դեպքում գործ ունենք ոչ արհեստավարժ, անհամաչափ ուժ կիրառող, բանդիտական (եթե հաստատվեն փաստաբանների պնդումները այն մասին, որ խուզարկության ժամանակ ոստիկաների կողմից կատարվել են հափշտակությունները ինչը անհավանականի ժանրից չի եթե հաշվի առնենք, որ ոստիկանությունում որակական բարեփոխումներ չեն իրականացվել) կառույցի հետ:

Ստացվում է, որ հարյուրների հասնող ոստիկանական ուժերը չեն կարողացել իրացնել օպերատիվ տեղեկությունը այն մասին, որ խնդրո առարկա բնակարանում կամ բնակարաններում կա, կան զենք, զինամթերք, թմրանյութ կամ հետախուզման մեջ գտնվող անձիք և նման բան չի հայտնաբերվել, իսկ եթե նման օպերատիվ տվյալներ չեն հաղորդվել ապա կատարվածը լիովին տեղավորվում է «բեսպրիդելի» դասակարգման տակ:

Իրավապաշտպան կազմակերպությունները, մարդու իրավունքներով զբաղվող կառույցները, անհատները պետք է լուսարձակի տակ պահեն ոստիկանության բաշիբոզուկություն հիշեցնող պահվածքը, քանի որ աչք փակելով նմանատիպ մասնավոր դեպքերի վրա հնարավորություն ենք տալիս դրանց ծավալվելու: Հատկապես վրդովեցնող և մտահոգիչ է, որ տուժել են նաև մանկահասակ և մեծահասակ մարդիկ որոնք պետության և հանրության կողմից առանձնահատուկ հոգածության կարիք ունեն:

Ապրես Զոհրաբյանի ֆեյսբուքյան էջից