Արցախը երբեք չի եղել եւ չի լինի Ադրբեջանի «սահմանների շրջանակում». Վիտալի Բալասանյանի պատասխանը՝ Չավուշօղլուն

Թուրքիայի արտգործնախարար Մեւլութ Չավուշօղլուի հայտարարությանը` այն մասին, որ Արցախի «հարցը պետք է լուծվի Ադրբեջանի ինքնավարության, տարածքային ամբողջականության եւ միջազգայնորեն ճանաչված սահմանների շրջանակում», մի անգամ եւս կրկնեմ` Արցախի Հանրապետությունը երբեք չի եղել եւ չի լինի Ադրբեջանի «սահմանների շրջանակում», ուստի եւ Ղարաբաղյան հակամարտության հարցը չի կարող լուծվել նշված շրջանակում: Այս մասին ֆեյսբուքյան իր էջում գրառում է արել Արցախի Հանրապետության նախագահի թեկնածու, Արցախի հերոս Վիտալի Բալասանյանը՝ անդրադառնալով ԵԱՀԿ Մինսկի խմբի համանախագահների հանդիպման քննարկված հարցին։

Գրառման մեջ, մասնավորապես, ասվում է.

«Սիրելի հայրենակիցներ,

Երեկ, մարտի 2-ին, ԵԱՀԿ Մինսկի խմբի համանախագահներ` Իգոր Պոպովը, Էնդրյու Շոֆերը եւ ԵԱՀԿ գործող նախագահի անձնական ներկայացուցիչ Անջեյ Կասպրշիկը այցելեցին Անկարա, որտեղ հանդիպում ունեցան Թուրքիայի արտգործնախարար Մեւլութ Չավուշօղլուի հետ:

Ի պատասխան Չավուշօղլուի հայտարարությանը` այն մասին, որ Արցախի «հարցը պետք է լուծվի Ադրբեջանի ինքնավարության, տարածքային ամբողջականության եւ միջազգայնորեն ճանաչված սահմանների շրջանակում», մի անգամ եւս կրկնեմ` Արցախի Հանրապետությունը երբեք չի եղել եւ չի լինի Ադրբեջանի «սահմանների շրջանակում», ուստի եւ Ղարաբաղյան հակամարտության հարցը չի կարող լուծվել նշված շրջանակում:

Մեր բոլորիս խնդիրը պետք է լինի Արցախի ինքնորոշման իրավունքի իրացումը ապահովելը, եւ Արցախի Հանրապետության միջազգային ճանաչումը:

Իմ առաքելությունը տեսնում եմ այս խնդիրների լուծման գործում»։