Ռուս կենդանաբանը՝ Երեւանում թունավոր օձերի ակտիվացման մասին
Մայիսի 29-ից սկսած Երևանում նկատվում է թունավոր օձերի՝ գյուրզաների ակտիվացում. ԱԻՆ–ը պարբերաբար ահազանգեր է ստանում մայրաքաղաքի փողոցներում դրանց հայտնվելու վերաբերյալ։
Քաղաքում օձերի նման ակտիվացումը մի քանի գործոնների հետ է կապված. եղանակային պայմաններ, ինչպես նաեւ զուգավորման շրջան, որն այս տարի մի քիչ շեղված էր,– ասում է Ռուսաստանի պետական ագրարային համալսարանի կենդանաբանության ամբիոնի դոցենտ, կենսաբանական գիտությունների թեկնածու՝ Արտեմ Կիդովը։
«Սովորաբար Հայաստանում նրանք իրենց բներից դուրս են գալիս ապրիլին եւ մայիսի առաջին օրերին, տաքանում են իսկ հետո սկսվում է զուգավորումը։ Քանի որ այս տարին շատ ցուրտ էր, նրանք ավելի երկար են մնացել բներում, իսկ հիմա դուրս են գալիս, եւ քանի որ արդեն զուգավորման շրջանն է, որձերն ակտիվացել են էգերի փնտրտուքներում։ Հենց դա էլ պատճառ է հանդիսանում, որ նրանք ավելի հաճախ են բախվում մարդկանց հետ»,– ասել է կենդանաբանը։
Փորձագետի խոսքերով, գյուրզաների դեմ պայքարելու միակ միջոցը մարդկանց տեղեկացվածությունն է այն քայլերի մասին, որ պետք է անեն նման դեպքերում։
«Օձերի հետ պայքարել այնպես, ինչպես ասենք միջատների, անհնար է։ Նրանք միշտ ապրել են Երեւանում, ուղղակի ակտիվությունն է ավելի քիչ եղել։ Հիմա միակ միջոցը՝ բնակչությանը տեղեկացնելն է, որ ավելի ուշադիր լինեն, թփերի մեջ չմտնեն, իրենց տարածքում հավաքեն աղբը, ուշադիր լինեն շինարարական տարածքներում եւ ընդհանրապես ավելի զգոն լինեն»,– ասել է Կադիրովը։ Կենդանաբանը նաեւ ավելացրել է, որ շուտով օձերի ակտիվությունը կդադարի։
Գյուրզայի երկրարությունը պոչի հետ միասին կարող է հասնել մինչև 2 մետրի, քաշը՝ 3 կգ–ի։
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Փաշինյանի բոլոր որոշումներն արդեն ընդունված են. Վոլոդին
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը