Փաստաբանների վրա ճնշման վառ օրինակի կարելի էր հետեւել վերջին դատական նիստին. Ռոբերտ Քոչարյանի փաստաբան

Փաստաբանների վրա ճնշման վառ օրինակի կարելի էր հետեւել վերջին դատական նիստին: Այս մասին «Փաստաբանական գաղտնիքի պաշտպանությունը» քննարկման ժամանակ ասաց ՀՀ երկրորդ նախագահ Ռոբերտ Քոչարյանի փաստաբան Արամ Վարդեւանյանը:

Հիշեցնենք, որ վերջերս կայացած նիստերից մեկինտուժող կողմի ներկայացուցիչն իրեն հայտարարություն էր թույլ տվել, որը փաստաբանները որպես սպառնալիք էին ընկալել:

«Երբ դատարանի անգործության պայմաններում մասնակիցները փաստաբանների նկատմամբ ատելություն են իրենց թույլ տալիս: Չեմ խորանա նրա մեջ` արդյոք դա սպառնալիք էր, թե ոչ: Բայց դատարանի կողմից արձագանք զրոյական էր»,- ասաց փաստաբանը` հիշեցնելով, որ շատ ավելի ուշ դատավորը որոշեց լսել հանդիպման ձայնագրությունը եւ հեղինակից ճշտել, թե նա կոնկրետ ինչ նկատի ուներ: «Եվ, միեւնույնէ, առանց հետեւանքների»,- ասաց փաստաբանը: