Երեւանում ծննդատունը հանձնել են կոնցեսիոն կառավարման առանց գույքագրման. Ըստ քաղաքապետի դա նորմալ է
«Քանաքեռ-Զեյթուն» ծննդատունը կոնցիեսիոն կառավարման է հանձնվել «Դեւի Սան» ԲԲԸ-ին: Համապատասխան որոշումը փետրվարի 11-ին ընդունվեց մայրաքաղաքի ավագանու նիստում: Համաձայնագիրը ստորագրվել է 10 տարով, որի ընթացքում ընկերությունը պարտավորվում է ներդնել 200 մլն դրամից ոչ պակաս:
«Բարգավաճ Հայաստան» խմբակցության ղեկավար Միքայել Մանրիկյանը հայտարարեց, որ անհամապատասխանություն կա հայտարարված թվերի եւ փաստաթղթերում նշվածների միջեւ: «Դրանից բացի, չի անցկացվել նաեւ բուժհաստատության գույքագրում»,- վրդովվեց նա:
Մինչդեռ, Երեւանի քաղաքապետ Հայկ Մարությանը պարզաբանեց, որ այս ոլորտում բոլոր ընկերությունները կարող են մասնակցել մրցույթին եւ իրենց առաջարկները ներկայացնել: