Ստեփանակերտի քաղաքապետը հայտարարություն է տարածել կապված Արցախի նախագահի ընտրությունների հետ
Ստեփանակերտի քաղաքապետ Դավիթ Սարգսյանը հայտարարություն է տարածել, որտեղ անդրադառնում է Արցախում մարտին կայանալիք նախագահական ընտրություններին:
Նա, մասնավորապես, նշել է. «Հարգելի հայրենակիցներ, ի պատասխան վերջերս մամուլում եւ սոցիալական ցանցերում տարածվող ապատեղեկատվության՝ առաջիկա նախագահական ու խորհրդարանական ընտրություններին ընդառաջ իմ քաղաքական դիրքորոշման եւ նախագահի որեւէ թեկնածուի սատարման վերաբերյալ, պաշտոնապես հերքում եմ նման տեղեկությունները եւ հայտարարում, որ ես 2019 թ. սեպտեմբերի 8-ին ստեփանակերտցիների կամքով ընտրվել եմ Ստեփանակերտի քաղաքապետի պաշտոնում, ուստի եւ գործունեությունս ծավալում եմ բացառապես օրենքով համայնքի ղեկավարին վերապահված գործառույթների շրջանակներում եւ ընդգրկված չեմ որեւէ քաղաքական թիմում: Իմ թիմը եղել եւ մնում է Ստեփանակերտի ողջ բնակչությունը:
Կոչ եմ անում բոլորին զերծ մնալ ապատեղեկատվություն տարածելու գործելաոճից եւ այլեւս իմ քաղաքական հայացքների ու համակրանքի շուրջ ենթադրություններ չանել:
ԹԱՐՄԱՑՈԻՄ.
Այն, որ իմ ընկերները տարբեր քաղաքական հայացքների տեր են, բազմիցս եմ հայտարարել, եւ, այո, նրանց բոլորի հետ ինձ տարիներ ի վեր տեսել ու, հուսամ, տեսնելու եք: Այն, որ նրանք բոլորն անկաշկանդ են իրենց քաղաքական հայացքներում ու գործում են ըստ այդմ, եւս իրողություն է եւ վերջինս երբեք չի եղել ու չի էլ լինելու տարաձայնության առիթ մեր միջեւ:
Հավատում եմ, որ հետայսու եւս վերոնշյալը չի խոչընդոտելու այս կամ այն գաղափարի շուրջ մեր միավորվելուն:
Ուստի, առնվազն տարակուսանք է առաջացնում այս փաստը ամենատարբեր հարթակներում շահարկելը եւ այս կամ այն քաղաքական ուժում իմ ներգրավված լինելու մասին ապատեղեկատվություն սփռելը»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Արսեն Զախարյանի տրանսֆերային արժեքն աճել է