Շշուկներ կան, որ հանձնարարվել է դատավորին մերժել Թավադյանի բողոքը․ Հարություն Հարությունյան (տեսանյութ)

«Մենք ունեինք նախագծեր, որ պետք է սկսեինք, բայց կանգնել են, որոշ նախագծեր դադարեցրել ենք, հունվարին սկսելիք նախագծերը կանգնել են։ Առանց սեփականատիրոջ շատ դժվար է առաջ շարժվելը։ Չեմ կարծում, որ Հայաստանում կա լրատվամիջոց, որ առանց ներդրումների կարող է շարունակել իր ծրագրերը»,-լրագրողների հետ զրույցում ասաց «5-րդ ալիք» հեռուստատեսության տնօրեն Հարություն Հարությունյանը, որը Վերաքննիչ դատարանի դիմաց մասնակցում է ի աջակցություն Արմեն Թավադյանի ակցիային։

Հարություն Հարությունյանն ասաց, որ դատարանից դրական ակնկալիք չունի․ «Անգամ շշուկներ եմ ստացել, որ հանձնարարություն կա մերժել»։ Հարցին, թե ո՞վ է հանձնարարել, պատասխանեց․ «Դե, մի հոգի է հանձնարարողը։ Նման շշուկները միշտ ճիշտ են դուրս գալիս, իսկ նրա խոսքը, թե ամեն ինչի հետ կապ չունի, սխալ»։

Աղբյուրը՝ yerevan.today