Ջոլին Փիթից ամսական 100.000 դոլար ալիմենտ է պահանջում

Դերասան Բրեդ Փիթի հետ ամուսնալուծման գործընթացի մեջ գտնվող Անջելինա Ջոլին ամուսնուց պահանջել է յուրաքանչյուր ամիս 100.000 դոլարի չափով ալիմենտ վճարել, հայտնում է InTouch-ը՝ զույգին մոտ աղբյուրին հղումով:

Քառասունմեկամյա դերասանուհու կարծիքով՝ այդ գումարը բավական է 6 երեխաների հոգսերը հոգալու և նրանց համար Ջոլիի և Փիթի կողմից հիմնված թրաստային հիմնադրամին գումար փոխանցելու համար:

Այլ կերպ ասած՝ 15-ամյա Մեդոքսի, 13-ամյա Պաքսի, 12-ամյա Զահարայի, 10-ամյա Շայլոյի և 8-ամյա Վիվյենի ու Նոքսի հաշիվներն ամեն տարի ավելանալու են 250.000 դոլարով:

Աղբյուրի փոխանցմամբ՝ Փիթը համաձայն է այդքան ալիմենտ վճարել, սակայն մի նախապայմանով՝ գումարը փոխանցվելու է անմիջապես թրաստին:

Հավելենք, որ Ջոլին դատարանից պահանջում է միանձնյա խնամակալություն տրամադրել երեխաների համար, մինչդեռ Փիթը պահանջում է՝ համատեղ:

tert.am