Ադրբեջանը շահագրգռված է ղարաբաղյան հակամարտության գոտում ստատուս քվոյի վերացմամբ. Պետդումայի պատգամավոր (տեսանյութ)
Ադրբեջանը շահագրգռված է ղարաբաղյան հակամարտության գոտում ստատուս քվոյի վերացմամբ: Բաքուն անսահման շատ է խոսում հակամարտությունը ցանկացած եղանակով լուծելու հնարավորության մասին, այդ թվում՝ ռազմական, սակայն այդ սպառնալիքները մեզ խաղաղությանը չեն մոտեցնում: Այս մասին դեկտեմբերի 13-ին Երեւանում լրագրողների հետ զրույցում ասաց Ռուսաստանի Պետական դումայի ԱՊՀ գործերով եւ հայրենակիցների հետ կապերի հարցերով կոմիտեի փոխնախագահ Կոնստանտին Զատուլինը:
Նա նշեց, որ կան բազմամյա խնդիրներ, որոնք պետք է լուծել, դրանցից մեկն էլ ղարաբաղյան հակամարտությունն է: «Այս հարցում ներգրավված են Հայաստանը, Ադրբեջանը, Ռուսաստանը, որը հանդես է գալիս որպես խաղաղ գործընթացի միջնորդ եւ երաշխավոր: Կա Մոսկվայի պաշտոնական դիրքորոշումն այն մասին, որ կողմերն իրենք պետք է համաձայնության գան: Դրանից բացի, չի կարելի դիմել հակամարտության կարգավորման ռազմական միջոցին: Դա ողբերգության կհանգեցներ»,- նշեց պատգամավորը:
Կոնստանտին Զատուլինը հավելեց, որ կողմերը երկար տարիներ շարունակ խոսում են տարբեր ձեւակերպումների մասին: «Շատ տարիներ առաջ Կազանում այնպիսի տպավորություն էր, որ մոտ ենք համաձայնությանը, բայց հետո գործընթացի պարույրը կտրվեց: Ավելին՝ 2016 թվականին եղավ ռազմական սադրանք: Ես, ի տարբերություն ոմանց, չէի ցանկանա հոգուս վրա մեղք վերցնել: Այդ նախաձեռնությունը բխում էր Ադրբեջանից: Ռուսաստանի գործառույթն այն է, որ համբերատար հասնի կողմերի համաձայնությանը՝ չկիրառելով ռազմական ուժ, իսկ ձեւակերպումներն ու ծրագրերը թողնենք հեղինակներին, որոնք իրենք պետք է արտահայտեն իրենց կարծիքը»,- պարզաբանեց նա:
Ի պատասխան Ադրբեջանի ԱԳ նախարարի հայտարարությունը մեկնաբանելու խնդրանքին՝ «Լավրովի պլանի» գոյության մասին, Զատուլինը հայտարարեց, որ չի կարող խոսել Ռուսաստանի ԱԳՆ ղեկավարի անունից:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Ընթանում է Գարեգին Բ-ի և 6 եպիսկոպոսի գործով դատական նիստը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Վաղարշապատի համայնքային ոստիկանները ձերբակալել են 1 տարի առաջ ծանր մարմնական վնասվածք պատճառած անձին
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
ՀՀ ԱԱԾ սահմանապահ զորքերում տեղի ունեցավ նորակոչիկ զինծառայողների երդման արարողություն