Երկրորդ երեխայի ծնունդին սպասող բրիտանացի դերասանուհին շարունակում է մարզվել և բացահայտել, թե որքան է յոգան օգնում իրեն (լուսանկարներ)

Բրիտանացի դերասանուհի Քեյսի Բեթչելրը, որը հայտնի է հղիների համար մարզական նախագիծ վարելով, սպասում է իր երկրորդ երեխայի ծնունդին և որոշել է ներկայացնել, թե ինչպես են մարզումներն օգնում իրեն պատրաստվել երեխայի լույս աշխարհ գալուն:

Ինչպես ներկայացնում է Daily Mail-ը, 35-ամյա բրիտանուհին ծննդաբերության է պատրաստվում հաջորդ տարվա սկզբին և շարունակում է կանոնավոր կերպով զբաղվել յոգայով:

Վերջերս Դուբայ կատարած ուղևորության ժամանակ Քեյսին լողափում յոգայի ժամ է անցկացրել՝ ապացուցելով, որ պահպանել է մարմնի ճկունությունը:

Բրիտանուհին խոստովանել է, որ երկրորդ հղիության ընթացքում իրեն ավելի լավ է զգում, քան առաջինի դեպքում, քանի որ նախկինում չափազանց շատ էր քաշ հավաքել և իրեն անառողջ էր զգում:

Նա նշել է, որ իրեն այժմ ավելի լավ է զգում, թեև չի հասցնում շատ հանգստանալ, քանի որ պետք է հոգ տանի 19 ամսական դստեր մասին: