Ես կուզենայի կրկնապատկել, եռապատկել պաշտպանական բյուջեն, բայց այն բավարար է. Դավիթ Տոնոյան
Եթե վերցնում ենք մեգանպատակ այն մարտահրավերները, որոնք ունենք, իհարկե, որպես պաշտպանության նախարար, ես կուզենայի կրկնապատկել, եռապատկել 2020 թվականի պաշտպանական բյուջեն: Այս մասին, այսօր՝ նոյեմբերի 4-ին, ԱԺ-ում, լրագրողների հետ զրույցում նշեց պաշտպանության նախարար Դավիթ Տոնոյանը:
Նշենք, որ ԱԺ հանձնաժողովների փակ նիստում քննարկվել է 2020 թվականի բյուջեով պաշտպանական ոլորտին հատկացվող գումարների չափն ու ուղղությունները:
«Բայց հաշվի առնելով մեր բյուջեի, մեր տնտեսական հնարավորությունները, այսօրվա բյուջեն բավարար է, որ մենք բոլոր մարտահրավերներին արձագանքենք պատշաճ ձեւով»,-ասաց նախարարը:
Նա հերքեց տեղեկությունները, թե պաշտպանական բյուջեն նվազել է. «Բյուջեի կառուցվածքում եղել են որոշ նվազեցումներ մեր տրամադրված վարկային չափաբաժնի մեջ, որն ուղղվել է մեր կարողությունների ավելացմանը»: