ՊԵԿ նախկին աշխատակից Հայկ Մարտիրոսյանը սիրով ընդունել է աշխատանքի վերադառնալու առաջարկը
ՊԵԿ նախկին աշխատակից Հայկ Մարտիրոսյանը սիրով և ուրախությամբ ընդունել է աշխատանքի վերադառնալու առաջարկը: Այս մասին այսօր Tert.am-ի հետ զրույցում ասաց ՊԵԿ տեղեկատվության և հասարակայնության հետ կապերի բաժնի պետ Լուսինե Մկրտչյանը:
«Հայկ Մարտիրոսյանը որպես մաքսային տեսուչ կվերդառնա համակարգ՝ աշխատանքի»,- նշեց Մկրտչյանը:
Հիշեցնենք, որ Հայկ Մարտրոսյանը աշխատանքից ազատվել էր իր սեփական դիմումի համաձայն: Նիկոլ Փաշինյանը նրան աշխատանքից ազատվելու հրահանգ էր տվել Հայաստանի Հանրապետության պետական դրոշի նկատմամբ ոչ պատշաճ վերաբերմունք ցուցաբերելու պատճառով:
Հիշեցնենք, որ ավելի վաղ վարչապետ Նիկոլ Փաշինյանն իր ֆեյսբուքյան էջում գրառում էր կատարել, որում նշել էր, որ ՊԵԿ նախագահին հրահանգել է կրկին ծառայության ընդունել ՊԵԿ աշխատող Հայկ Մարտիրոսյանին, ում աշխատանքից ազատելու հրահանգ էր տվել ամիսներ առաջ՝ ՀՀ դրոշի նկատմամբ անհարգալից վերաբերմունքի համար։