«Մենք ոչ թե արտարժույթի արտահոսք, այլ ներհոսք ունենք». Ջավադյանը խոսեց աննախադեպ ծավալների մասին
Այս տարի Հայաստանի Կենտրոնական բանկից արտարժույթի գնման ռեզերվացիայի ծավալները հասել են 487,7 մլն դոլարի: Այս մասին յսօր՝ հոկտեմբերի 24-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Սա շատ կարեւոր ցուցանիշ է, որովհետեւ մենք սպասում էինք, ենթադրում էինք, որ տուրիզմի սեզոնի ավարտին այս միտումը անկում կապրի, բայց մենք ստանում ենք նախանշաններ, որ մեզ մոտ տուրիզմի սեզոն կարող է լինել տարին 12 ամիս»,-ասաց նաեւ ԿԲ նախագահ Արթուր Ջավադյանից հետաքրքրվեց, թե արդյոք կա՞ խնդիր, որ մեր երկրում այսքան արտարժույթ է հայտնվել:
Ի պատասխան Ջավադյանն ասաց. «Սա իսկապես նախադեպ չունի համեմատած բոլոր երկրների եւ բոլոր ժամանակահատվածների հետ: Նույնիսկ 2014-2016 թվականներին, երբ ունեինք ազգային արժույթի կտրուկ ուժեղացում, մենք այս ծավալի արտարժույթ չենք գնել: Դա խոսում է այն մասին, որ մենք ոչ թե արտարժույթի արտահոսք ունենք, որի մասին խոսում են մեր ընդդիմախոսները, այլ ունենք ներհոսք: Մենք ստերիլիզացնում ենք այդ հոսքը, գնում ենք այդ արտարժույթը եւ այդ ծավալի գումար էլ մտնում է տնտեսության մեջ: Այստեղ երկակի էֆեկտ ունենք, մի կողմից պայքարում ենք դոլարիզացիայի դեմ, մյուս ոկղմից տնտեսություն ենք ներարկում դրամական միջոցներ: Այդ առումով վստահ եմ, որ այս տարի կունենանք աննախադեպ ռեզերվների ծավալ տարվա վերջին»:
Նա նաեւ ընդգծեց,, որ այս տարվա սեպտեմբերին այդ ռեզերվները մոտ 200 մլն դոլարով ավելի են իսկ հոկեմբերին ավելի լավ տվյալ կունենանք: