Վիգեն Սարգսյանի դեմ մեղադրանք չկա
«Պաշտպանության նախկին նախարար Վիգեն Սարգսյանին որպես մեղադրյալ ներգրավելու որոշում չկա»․ այս մասին մեզ հայտնեց ՀՔԾ մամուլի խոսնակ Մարինա Օհանջանյանը՝ պատասխանելով «Հրապարակի» հարցին, թե ստացե՞լ են արդյոք Քննչական կոմիտեից պաշտպանության նախկին նախարարին առնչվող քրեական գործը։
Հիշեցնենք՝ Քննչական կոմիտեն սեպտեմբերի 25-ին հաղորդագրություն էր տարածել, որում նշվում էր, որ բավարար ապացույցներ են ձեռք բերվել՝ պաշտպանության նախկին նախարար Վիգեն Սարգսյանին պաշտոնեական լիազորություններն անցնելու դեպքով որպես մեղադրյալ ներգրավելու համար։ Վիգեն Սարգսյանը նույն օրը ուշ երեկոյան հայտարարեց, թե մամուլից տեղեկացել է, որ նախատեսվում է իրեն որպես մեղադրյալ ներգրավել։ «Նախքան ներգրավվող անձին պաշտոնապես իրազեկելը՝ մամուլով նման տեղեկատվություն տարածելը կոպտորեն խախտում է առնվազն բարոյականության եւ բարեվարքության բոլոր կանոնները»,- գրել էր նախկին նախարարը հայտնի սոցցանցի իր էջում։
Միայն կռահել կարելի է, թե ինչու է Քննչական կոմիտեն նման շտապողականություն դրսեւորել եւ անգամ «պրես ռելիզի» մեջ Քրեական օրենսգրքի հոդվածների անուններ նշել, եթե մեղադրանք դեռեւս չի առաջադրվել։ Հավանաբար, այս պահին պետք է «պատժիչ» ակտիվություն ցուցադրել երկրի բարձրագույն ղեկավարությանը։
Մանրամասները՝ hraparak.am-ում