Գիտնականները զգուշացրել են էներգետիկ ըմպելիքների վտանգավորության մասին
ԿՆՈՋ ԱՌՈՂՋՈՒԹՅՈՒՆՏՂԱՄԱՐԴՈՒ ԱՌՈՂՋՈՒԹՅՈՒՆՄԱՆԿԱՆ ԱՌՈՂՋՈՒԹՅՈՒՆԱՊԱԳԱՅԻ ԲԺՇԿՈՒԹՅՈՒՆ
S
Գիտնականները զգուշացրել են էներգետիկ ըմպելիքների վտանգավորության մասին
28 ապրիլի, 10:36
University of the Pacific-ի գիտնականները հաղորդել են էներգետիկ ըմպելիքների վտանգավորության մասին:
Ներկայում շուկայում ավելի քան 500 տեսակի էներգետիկ ըմպելիք կա, որոնք ավելի ու ավելի մեծ տարածում են ստանում: Միաժամանակ, աճում է դրանք օգտագործող այն մարդկանց թիվը, որոնք բուժօգնության են դիմում: Այդ ըմպելիքներն արտադրողներն ու դրանց սիրահարները հայտարարում են, որ դրանք նույնքան անվտանգ են, որքան կոֆեինը, բայց իրականում, ըստ գիտնականների, դա սխալ է:
Սննդամթերքի եւ դեղորայքի որակի սանիտարական վերահսկողության ծառայությունը (U.S. Food and Drug Administration, FDA) անվտանգ է համարում մինչեւ 400 մգ կոֆեինը (հինգ գավաթ): Բայց կոֆեինից բացի, էներգետիկ ըմպելիքները նաեւ մեծ քանակությամբ այլ նյութեր են պարունակում, որոնք կարող են բացասաբար ազդել առողջության վրա:
Դրանց ազդեցության չափը որոշելու համար հետազոտողները հետեւել են 18 առողջ կանանց եւ տղամարդկանց օրգանիզմում տեղի ունեցող փոփոխություններին էներգետիկ կամ նույնքան կոֆեին պարունակող այլ ըմպելիք խմելուց հետո: Էներգետիկ ըմպելիքի միջին տարան շուրջ 320 մգ կոֆեին (չորս գավաթ սուրճ), որոշ քանակությամբ B վիտամին, տաուրին, շաքար եւ այլ բաղադրիչներ է պարունակում:
Մասնագետներն ըմպելիք օգտագործելուց հետո 24 ժամվա ընթացքում փորձի մասնակիցների առողջական վիճակին հետեւել են արյան ճնշման չափման եւ էլեկտրաէնցեֆալոգրաֆիայի միջոցով: Արդյունքում պարզվել է, որ այն մարդկանց մոտ, ովքեր էներգետիկ ըմպելիք են խմել, սրտի ռիթմի փոփոխություններ են նկատվել՝ QT միջակայքի երկարաձգում: Այս փոփոխությունները կարող են սրտի ռիթմի խախտման պատճառ դառնալ, ինչը վտանգավոր է առողջության համար: Էներգետիկ ըմպելիք խմելուց հետո արյան ճնշումը բարձրացել է միջինը հինգ կետով, իսկ այդ արդյունքը պահպանվել է նաեւ վեց ժամ անց: Կոֆեին պարունակող ըմպելիքից հետո արյան ճնշումը բարձրացել է մեկ կետով: Առողջ մարդկանց պարագայում այս տարբերությունը կարող է աննշան լինել, բայց սրտի հետ կապված խնդիրներ ունեցող հիվանդները պետք է խուսափեն էներգետիկ ըմպելիքներից:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Խստորեն դատապարտելի է․ ՄԻՊ-ը՝ Երևանի քաղաքապետարանում տեղի ունեցած միջադեպի մասին
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Ռեալը չի ցանկանում 70 մլն եվրո վճարել
Կմիավորվի՞ ընդդիմությունը, և արդյո՞ք դա ուշացած չէ
ՀՀ վարչապետ Նիկոլ Փաշինյանի ճեպազրույցը ուղիղ
Գեղարքունիքից 303 երեխա հանգստի է մեկնել դպրոցականների ամառային ճամբար
ՏՏ ոլորտի վարչական ռեգիստրի ictstat.am կայքը տեխնիկական խնդիրներ ունի. այդ ընթացքում հաշվետվություն ...